الحب الأعمى

الفصل سادس عشر

رواية الحب الاعمى

الفصل 16

اسراء كانت اقعده سرحانه بتفكر فى احمد وكل حاجه حصلت معاها من اول ما اتعرفت عليه لحد ما شافته امبارح هو ماسك في ايد نورهان وبدأت تعيط بانهيار

لكن قطع عليها صوت الهاتف وكانت المتصله مريم

اسراء ..الو يا روما

مريم ..ازيك يا اسراء عامله ايه دلوقتى

اسراء ..مش مشكله انا علشان اللى جوايا مش هيتصلح المهم انتي

اتن*دت مريم.. ولا انا مرتاحه ...تعرفي يا اسراء الحب دا لعنه بيخليكي تقعي فيه وتحسي انك مبسوطه وقد ايه هو جميل وفجاه تفوقي علي وجع وجرح كبير

اسراء..عندك حق ندمت اني حبيت

مريم ..اسراء ايه رايك نخرج مع بعض شويه انا مخنوقه اووي وانتي كمان مخنوقه اهو نخرج نفسنا من اللي احنا فيه شويه

اسراء ..ماشي فى مطعم *** عارفاه صح

مريم ..اة خلاص تمام نتقابل كمان ساعتين هناك

اسراء ..خلاص اشطا

بعد ما قفلت اسراء مع مريم اتصلت بيوسف

اسراء ..الو يا جو

يوسف ..اسراء اسف بجد لسه عارف باللي حصل بينك انت واحمد

اسراء ..لو سمحت يا يوسف متجبش سيرته علشان مش ناقصه بجد

يوسف ..ماشي كنتي بتتصلى ليه

اسراء ..مريم

يوسف بقلق ..مالها ..حصلها حاجه ..قوليلي تعبانه.

اسراء ..يعنى لسه بتحبها طب ليه بتكابر ومش عايز تشوفها .

يوسف ..بحبها ...انا بعشقها يا اسراء بس هى لسه بتحب مينا

وانا مش عايز اسببلها مشاكل او ات**ر تاني بشكل دا .

اسراء ..لا هى بتحبك انت وعايزاك انت وممكن اخليها تعترف ب دا قدامك انت بس تعالى مطعم *** كمان ساعتين ولو على حكاية مينا فا........

وحكت اسراء كل حاجه ليوسف

يوسف بفرحه ..خلاص هاجي المطعم .

فى مطعم كبير وراقي كانت مريم واسراء اقعدين بيكلموا ويوسف اقعد فى الترابيزه اللى وراهم وكان سامع معظم كلامهم

اسراء ..مريم انتي زعلانه ليه مش انتي مش بتحبي يوسف وكونتي حاسه انك اتسرعتي لما قربتي منه

مريم ..لا يا اسراء انا كونت خايفه احبه ويطلع زي مينا بس مع الوقت حبيته من غير ما احس ونفسي يرجع تاني ويسامحني ويديني فرصه اشرحله اني مش بحب مينا وبحبه هو

اسراء ..بس هو اتجرح جامد يا مريم

مريم ..كان لازم يسالنى الاول كان لازم يسمعني و....

قطع كلامها صوت يوسف ..انا بحبك يامريم انا اسف انى فهمتك غلط بس كنت غيران وكنت خايف لاتسبينى وتروحى ليه او اني مكونش شبهه وتكوني كونتي بتحاولي تنسيني بيه

مريم بحزن ..جاي دلوقتى تقولى اسف فاكرنى هسامحك بسهولة ديه انت وجعتنى اووى لما شكيت فيا لما مدتنيش فرصه ادافع عن نفسي بس دلوقتي بقا جه دوري يا يوسف حتى لو بحبك فالازم ابعد ازاي هثق فيك تاني وانت ممكن بسهوله تشك فيا انا مش قبله اعتذارك

ومشيت مريم وسابت يوسف واقف مكانه حزين وم**ور وندمان علي تسرعه

يوسف ..انا لازم ارجعك يا مريم قريب اووى هترجعيلى

ام عند المجانين

سيف ..بحبك يا رنا

رنا ..وانا كمان بحبك بس اصبر شويه نعمل الخطوبه بعدين علشان اسراء متضايقش

سيف ..لا مش هقدر لازم نعمل الخطوبه بقا انا اتبهدلت معاكي

رنا ..ماشي خلاص خد معاد مع بابا

سيف ..تمام كدة يا حبيبتي

اسراء روحت البيت واتصلت على سيلفيا علشان تطمن عليها

اسراء ..عروستي الحلوة عملت ايه امبارح

سيلفيا بعياط ..طلع مش بيحبنى اجوزنى بس علشان ينتقم منى يا اسراء ماركو خدعني

اسراء ..اهدى بس احكى اللي حصل براحه

سيلفيا حكت كل حاجه وهى منهارة ....

اسراء ..خلاص اهدى عايزاكى تندميه

سيلفيا ..ازاي

اسراء ..البسي وتشيكى واوعي تبيني انك اتاثرتي وساعتها هيحس ان كل اللي عمله عمله علي الفاضي

سيلفيا..ماشي

المهم سيلفيا سمعت كلام اسراء وقامت تلبس حاجه تشد ماركو ليها لبست سيلفيا تيشرت كت وهوت شورت وحطت ميكيب خفيف ونزلت كان ماركو لسه داخل البيت اول ما شافها فضل واقف متنح ومستغرب من جمالها.

سيلفيا ..ايه يا ماركو واقف كدة ليه

ماركو بدون وعى ..انتي حلوة اووى

سيلفيا كانت فرحانه من جواها ..نعم قصدك ايه

فاق ماركو واستوعب كلامه ..لا متركزيش في كلامي انا تعبان بس شويه انتي اصلا مش من النوع اللى انا بحبه .

وسابها ومشي ا**رت سيلفيا اكتر بس فضلت تفتكر كلام اسراء وتقوي في نفسها .

اسراء كانت بتكلم يوسف علشان يتفقوا يعملوا ايه علشان مريم ترجعلوا تاني وتسامحه

اسراء ..خلاص تمام

اسراء ..قفلت معاه واتصلت بمريم

اسراء ..الو يا مريم

مريم ..عايزة ايه يا اسراء

اسراء ..انتي لسه زعلانه مني خلاص بقا يا مريم متزعليش

مريم ..خلاص مش زعلانه

اسراء ..صح يا مريم النتيجة بتاعت الامتحانات ظهرت يلا نروح نشوفها

مريم ..ماشي يلا مع اني مش ناقصه نكد بس هو شكله اسبوع باين من أوله

اسراء ..خلاص هعدي عليكي كمان شويه ونروح

وصلت مريم واسراء عند الجامعه ودخلوا

اسراء ..روحى انتي كليتك وانا هروح كليتي اشوف نتيجتي

مريم ..اوك اول ما تخلصي تعالي عند باب الجامعه علشان نروح سوا

اسراء ..اشطا

دخلت مريم لقت كل الكليه بتبصلها لحد ما وصلت شافت بوستر كبير مكتوب فيه بحبك يا مريم ... انا اسف مقدرش استغنى عنك ارجعيلى تاني وانتي عمرك ما تندمي وهعوضك علي كل الوجع اللي عشتيه بسببي

وفجاه نزل عليها بلالين كتير ومكتوب عليها بحبك بعد كدة ظهر يوسف قدامها و نزل على ركبته وطلع خاتم الماظ

يوسف ..تجوزينى يا مريم

مريم ببتسامه..موافقه

قام يوسف و خدها في حضنه وقعد يلف بيها

يوسف بصوت عالى ..بحببببببك

جه يوم خطوبه اسراء كانت اسراء مش حاسه ب اى حاجه حواليها كانت بتفتكر احمد ويوم خطوبتهم وكانت هتعيط بس استحملت علشان محدش ياخد باله

جه ادم يخدها من البيوتى سنتر افتكرت لما احمد جه يخدها وكلامه ليها فرحته انها خلاص بقت ليه

حست ان اللى جاى يخدها احمد مش ادم

استنوا الفصل اللى جاى من رواية الحب الاعمى

للكاتبة اسراء محمود