الحب الأعمى

الفصل الثاني عشر

مش كل الاوقات سعيدة ومش كل الاوقات حزينه المهم اننا نعيش ومنخليش الماضي يأثر علينا "

يوم فرح ابراهيم كانت اسراء شبه الملاك طبعا اصحابها كانوا قمرات الكل واقف مبهور بجمالهم

احمد ..حبيبي قمر يا ناس

اسراء ..بس يا احمد هتفضحنا

احمد ..ولا يهمني انا اصلا عايز كل اللي في الفرح دا يعرف اني ...

اسراء ..انك ايه

احمد بصوت عالى .. اني ببببحبببببك

اسراء ب**وف .. بطل جنان بقا الناس كلها بتبص علينا

احمد ..ما يبصوا ملهمش عندنا حاجه

اسراء ..والله مجنون

احمد ..انا مجنون بيكي انتي وبس

في نص الفرح قام سيف بكل ثقه واتجه الي الديج وخد الميكريفون

سيف ..ياجماعه ممكن تركزوا معايا ثوانى

انا حابب انى اعرفكم على احلى واجمل وارق مجنونه فى حياتى رنا ممكن تيجي هنا

الكل بص لرنا مما جعلها تخجل واتجهت الى منصه المسرح

سيف ..من يوم ما شوفتك قولت هى ديه شريكة حياتى هى ديه اللى انا عايز اكمل معاها هى ديه اللى هتنفع تكون ام لولادى انا بحبك اووي يا رنا تقبلي تتجوزيني

رنا ..مجنون

سيف ..اخلصي رجلي وجعتني موافقه ولا لا

رنا ..موافقه

سيف .. طبعا لازم توافقي يا بنتي انا مش اي حد

رنا ض*بته في كتفه ..طيب مش موافقه

سيف .نعم يا عنيا هو بمزاجك

رنا ..ايوة

سيف ..اسف يا جماعه على الازعاج اصل احنا متفاهمين اووي

الكل ضحك

الفرح خلص والكل روح

عند اسراء

احمد ..وحشتيني اووي

اسراء ..ايه لحقت اوحشك

احمد ..جدا مش متخيله انتي بتوحشني ازاي

اسراء ..بكاش اووى

احمد ..لا والله نفسي يكون النهاردة فرحنا قبل بكرا علشان متبعديش عنى لحظه .

اسراء ..طب سلام بقا وقفلت بعد كدة الكل اتشغل بالامتحانات علشان كان فاضل عليها اسبوعين

كانت اسراء عندها توتر من الامتحانات وكانت حاسه ان قلبها وجعها وان في حاجه مش هتعدي علي خير المهم مامتها دخلت فى نفس الوقت ده.

مامت اسراء ..اسراء احمد برا

اسراء بفرحه .. ثانية وهكون جهزه

خرجت اسراء بعد فتره وسلمت على احمد وكانت نفسها تحضنه علشان كانت حاسه انه هيبعد عنها او هيحصل حاجه تبعدهم عن بعض

احمد ..حبيبتي انا لما عرفت انك متوترة علشان الامتحانات قولت اجى اخدك نتفسح شويه ها ايه رايك

اسراء بفرحه ..طبعا موافقه

وخرجت اسراء هى واحمد

ام عن رحمه فكانت قاعده فى الاوضه وبعدين مامتها قالت لها محمد برا فاخرجت وكانت لبسه فستان ضيق شويه .

محمد ..ازيك يا رحمة

رحمة ..الحمد لله

محمد ..حلو الفستان ده

رحمة ..بجد عجبك يعني اخرج بيه عادي

محمد ..لا مفيش خروج بيه ابدا انا بس اللي اشوفك بيه كدا انتي بتاعتي انا وبس فاهمه

رحمه ..ليه يا محمد ما اروح بيه فرح سيلفيا علشان قرب بدل ما اشتري فستان جديد مش هيحصل حاجه يعني

محمد بعصبيه ..نعم ياختى

رحمه ..وانت مالك اصلا بتدخل ليه في حياتي

محمد..وانا قولتلك انتي بتاعتي انا بس

رحمه ..انا مش بتاعت حد انا ملك نفسي بس

محمد ..رحمة انتي بتعملى كدة ليه

رحمه .. علشان انت ابن خالى وبحب استفزك

محمد .بس علشان كدا بس

رحمة مقدرتش تستحمل..لا مش بس كدا علشان كمان انا حاسه ان فى مشاعر نحيتك علشان انا بحبك وانت مش حاسس بيا ولا مهتم حتي تقرب مني او تدي لنفسك فرصه تحبني .

محمد بصدمه وتتنيح..انتي بتقولي ايه

جريت رحمه من قدامه بعد ما حست بالمصيبه اللي هي عملتها وسابته واقف متنح ودخلت اوضتها

محمد خبط عليها بس مريضيتش تفتح وفضلت تعيط

ام عند سيلفيا وماركو

فاكانو بيكلموا بعض فى التليفون .

سيلفيا ..حبيبي وحشتنى

ماركو ..انتي اكتر بس خلاص مش فاضل كتير وهتكونى معايا فى بيت واحد دا انا عملك مفاجأه بعد الفرح هتعجبك اووى

سيلفيا ..بجد طب قول ايه هي

ماركو ..لا مش هينفع اصبري حبه علشان تبقا مفاجأه

سيلفيا ..ماشي يا حبيبي هصبر

ماركو ..شطورة يلا سلام بقا علشان مشغول

سيلفيا ..اشطا سلام

المهم قفلوا مع بعضعند اسراء واحمد

اسراء ..انهاردة كان يوم جامد جدا

احمد ..اة ما انتي فضلتى تصرخى لحد ما لميتي علينا الناس لا وكمان عضيتينى .

اسراء ..اعملك ايه انت اللى بتركبنا حاجات مخيفه

احمد ..لا انتي اللى جبانه

اسراء ..لسه هتكلم جالها تليفون

وكانت رحمة

اسراء ..الو يا رحمه

رحمة بعياط ..تعالى بسرعه عندى حصل مصيبه

اسراء ..حاضر انا جايه بسرعه بس اهدي طيب

رحمه ..متقوليليش اهدي تعالي بسرعه

اسراء ..حاضر خلاص جايه اهو في الطريق

قفلت اسراء مع رحمه

اسراء ..احمد ودينى عند رحمه بسرعه مش عارفه بتعيط جامد وبتقول عملت مصيبه

احمد ..ماشي يلا ربنا يستر

اسراء ..يارب

احمد خد اسراء ووصلها لسه اسراء كانت هتطلع احمد شدها ليه فجأه

احمد ..اسراء متزعليش منى بس هعمل حاجه علشان حاسس انى مش هعملها تانى

اسراء ..ايه هي

احمد شدها ليه وحضنها جامد وهى كمان حضنته جامد وعنيها بدأت تدمع حاسه انها مش هتشوفوا تاني او هيحصل حاجه تبعدهم عن بعض

بعد شويه بعدت عنه وطلعت على طول عند رحمه من غير ما تقولوا حاجه

اسراء بخوف ..مالك يارحمة بتعيطى ليه

رحمة بدموع بدات تحكى كل اللى حصل معاها ل اسراء

اسراء بضحك ..اوبا بقا يعنى اعترفتى ومقدرتيش تمسكى ل**نك قدامه

رحمه ..بت انتى بتضحكى على احزانى

اسراء وهى بترقص وتطنط على السرير ..ايوة سبينى افرح شويه

بدات رحمه تض*بها ..انتى حيوانه

اسراء ..اااااااه يخربيتك يا شيخه ايدك تقيله

رحمة بغضب ..اتصرفى بقا شوفي اعمل ايه دلوقتى هو معترفش بحاجة وفضل واقف متنح ولا كانى قولتله اى حاجه شكله مش بيحبنى

اسراء بخبث..انا هخليه يعترف ملكيش دعوه انتى

رحمه باستغراب ..ازاى

اسراء ..قدرات يا بنتى قدرات اصبري بس عليا مكونش انا اسراء لو مخلتهوش يعترف .

اتجهت اسراء الي الغرفه التي يوجد بها محمد

اسراء..محمد ممكن 5 دقايق من واقاتك لو فاضي

محمد ببتسامه ..اكيد يا طفله

اسراء بتزمر.. اولا متقولش ليا طفله دا الفرق هو سنه بلاش استعباط مش يعني علشان انت دخلت المدرسه قبلنا واتخرجت قبلنا تعمل فيا كدا وثانيا بقا رحمه حكتلى على اللى حصل الصبح وردت فعلك متنفعش خالص يا بيه هي ديه اخرة تربيتي فيك تقف زي الصنم من غير ما تتكلم او تتحرك وانا قولت الواد مقطع السمكه وديلها بقا وهيقول اشعار وحب في البت وخيبت ظني يا خساره تربيتي فيك البت تقولك بحبك والواد يقف مصدوم

محمد بعصبيه ...بت خلاص اخرسي ايه راديو واتفتح اهدي شويه انا اتصدمت علشان مكونتش مجهز حاجه يا ماما وانا اصلا اللي كونت عايز انا اللي اقولها مش هي بس سبقت بقا وانا اتصدمت معرفتش اقول حاجه وبعدين احمدي ربنا اني فضلت واقف زي الصنم انا في الوقت دا مكانش بيجي في دماغي غير اني احضنها واخبيها في حضني

اسراء بصدمه ..يعني انت بتحبها

محمد ..انا مفيش كلمه توصف انى بحب رحمه قد ايه انا عديت مرحلة الحب بكتير لا انا مش بحبها كمان لا انا بعشقها بدمنها انا مقدرش اعيش من غيرها انا عايز اجوزها انهاردة قبل بكرا كفايه بعد بقا .

اسراء بفرحه ..يعنى انت كمان بتحبها وده كله و انتوا مش حاسين ببعض

ياتري ايه اللى هيحصل استنوا الفصل اللى جاى من روايه الحب الاعمى

للكاتبه اسراء محمود