عشقتك وعش*ي مستحيل

الفصل الثالث

*عند رهف واصحابها في كافيه*

رهف: احم اخيرا خرجنا ياعيال نحس

تالا: الحمد لله يختي انا جعانه

همس: دايما همك علي بطنك ياكرشو

تالا: هقتلك ياعديمة الكرامه

همس: مين دي يختي ده انا كلي كرامه

تالا: اه بأمارة محمد عامل اي محمد وحشني اووي محمد بحبه اووي والواد ميعرفش انك علي الكوكب اصلا

همس: اعمل اي من يوم ماشوفته وعرفت اسمه وانا نفسي اشوفه تاني ولو صدفة

رهف: جوز مخابيل كل حياتهم الحب والاكل وبس

همس وتالا: طبعا ياباشا هما كل الحياة

رهف: طب يلا عشان نمشي

همس: يلا يا أختاه لسة ورانا لف كتير

تالا بصدمه: انت مش ممكن انت جيت هنا ازاي

محمد: انتي قصدك عليا انا ياانسة

همس: هاا لا هي قصدها علي اخويا وراك اهو

محمد: اه تمام اسف بس انا كنت جاي اسأل علي حاجه

همس بتوتر: اتفضل

محمد: انتي الانسة همس اللي قابلتها مرة صدفة صح

همس: اه لا قصدي اه

محمد: اه ولا لا مالك والله بسأل عادي

تالا: قصدها تقولك اه بس متوترة شوية اخوها بقي هنا بعيد عنك بس مين يابت المزة اللي معاه دي

همس: يهدك ربنا اتنيلي اسكتي

نعم يااستاذ محمد صح

محمد: دي سلسلتك وقعت منك لما خبطتي فيا ومن ساعتها مش عارف اوصلهالك ازاي

همس: انا مش عارفة اشكرك ازاي بجد دي سلسلة تيتا وغالية عليا اووي حقيقي فرحتني اووي

محمد: ولا اي حاجه ممكن رقمك بقي بمناسبة الفرحه دي

همس بتلقائية: اكتب عندك 011.......

محمد: تمام

تالا: انتي هبلة انتي خلتيه ياخد رقمك

همس: فرصة عشان نتكلم ونعرف بعض

تالا: رخيصة وعديمه كرامه?

همس: بلاش اتكلم ياللي بتحبي اخويا ومش حاسس بيكي عشان زي اخته

تالا: ماهو جبلة نعمله اي

همس بغمزة: نفوقه?

تالا: ايدي في ايدك

صحيح رهف ساكته ليه

رهف: هاا لا مفيش انا ماشية يلا

********************

*عند فهد وعشق في المستشفي*

فهد: انا طالب منك انك تعالجي اختي وتكملي علاجها في القصر عندي واكبر الدكاترة المتخصصين هيبقوا معاكي وكل التمريض اللي تحتاجيه بس اختي تتعالج عندي في بيتي مش في المستشفي

وهد*كي كل اللي عايزاه من جنيه لمليون

مي تنحت وبصوت واطي لعشق وافقي يابت فرصة متتعوضش

عشق بتفكير: انا

فهد: انتي اي

عشق: المكان اللي اختك هتتعالج فيه هيبقي فين

فهد: القصر بتاعي

عشق: مين عايش معاك

فهد: انا واخويا وفيرز أختي

عشق: شابين وبنت مبدأيا مش موافقة عايز تعالجها هنا تحت امرك غير كده سوري الاوبشن ده مش عندي

فهد بغضب: انا كلمتك بالزوق ومنفعش معاكي ورحمه ابويا وامي لو ماوافقتي علي علاج اختي في القصر لارفضك من شغلك وابقي قابليني لو لاقيتي شغل في اي مكان عشان مش فهد السيوفي اللي يتقاله لا فاهمه ولالا ده الكارت بتاعي يا يادكتورة فكري وبلغيني

عشق: هو فاكر نفسه اي بتاع ده انا مش هوافق أبداً ويوريني هيعمل اي المغرور ده

مي: انتي هبلة لا بجد هبلة

عشق: في اي يازفتة

مي: في اي اي هو في حد يرفض اللي اتعرض عليه ده

عشق: اه فيه انا واهربي من وشي بقي عشان معوركيش

مي: في دكتورة محترمه تقول عشان معوركيش امشي يابت

الممرض: دكتورة عشق المدير عايزك

عشق: هو يوم باين جاية وراك سلام مااشوف اي مستنيني

*عشق راحت للمدير وقلبها خايف مش عارفة ليه*

عشق: خير يافندم قالوا انك محتاجني

المدير: مش باين انه خير يادكتورة

عشق: ليه بس كده يافندم

المدير: رفضتي تعالجي فيروز السيوفي اخت فهد السيوفي وعادي كده

عشق باستغراب: اي المشكلة يافندم شغلي وحرة اقول اعالج مين ومين لا

المدير بعصبية: لا مش شغلك لما ترفضي حالة زي دي والمستشفي تتقفل بسببك فمش خير هما خيارين ياعشق قدامك لتعالجي اخت فهد السيوفي لتصفي حسابك من المستشفي

عشق: ده تهديد بقي ولا اي حضرتك

المدير:كلامي خلص

عشق: يبقي اصفي حسابي احسن

المدير ببرود: تمام

****************

*عند عمر وصاحبه في الجامعه*

كريم: مالك ياصاحبي سرحان في اي

عمر: قلقان اووي مش عارف ليه

كريم: ليه يابني كده عمر السيوفي بيقلق لا مش معقول

عمر: بطل ياخفيف شوية انا هتصل بفهد انا خايف مش عارف ليه

كريم: براحتك لو ده هيريحك

عمر: يوووه مبيردش

كريم: ماهو فهد يابا انت ناسي ولا اي

عمر: يخربيت رخامتك ياشيخ انا ماشي

كريم: خدني معاك بس رايح فين

عمر بضهره لكريم لا مش مستني خبط في رهف صدفة

رهف:اااه انت غ*ي مش تفتح

عمر: انا اسف

رهف: اسف اي بس ابقي فتح بعد كده

كريم بعصبية: ماقالك اسف في اي

عمر: خلاص ياكريم اسكت مالك شكلك معيطة في حاجه

رهف: وانت مالك

عمر: شكرا عن إذنك بقي وبراحتك

*طبعا عايزين تعرفوا رهف راحت الجامعه إزاي بعد ماكانت مروحه*

Flash back

تالا: صحيح رهف ساكته ليه

رهف: هاا لا مفيش انا ماشية يلا

الو اي بتقول اي ازاي ده حصل تمام انا جاية حالا

همس: في اي

رهف بعياط: مش عارفة واحد من دفعتنا بيقولي اسمك نزل من الم***عين دخول الامتحانات ازاي ده يحصل دي اول سنة ليا طب وعشق لا مستحيل ده ظلم انا معملتش تصرف وحش أبداً

تالا: اهدي بس وتعالي نشوف في اي

رهف: مستقبلي هيضيع خلاص صح انا لسة مخلصة الميد ليه ياارب كده ليه

همس: اهدي وحياه مامتك وتعالي نشوف الموضوع ده

Back

رهف جريت للمكان اللي اتوصفلها لاقت اسمها فعلا في قايمه الم***عين دخول الامتحانات اغمي عليها من الصدمه

عمر جري عليها بلهفة: هي مالها جرالها اي

همس: لالا فوقي يارهف اطلبوا اسعاف بسرعه

عمر: وسعي هاخدها في عربيتي بسرعه

كلهم راحوا المستشفي برهف

عدة ساعات قليلة وخرج الدكتور بوش حزين

همس وتالا واقفين مش عارفين يتكلموا

عمر: خير يادكتور

الدكتور للآسف:.......

********************

*عند عشق ومامتها في البيت*

عشق: ست الكل القمراية بتاعه البيت

ام عشق: مالك يابنتي

عشق: مالي زي الفل اهو

ام عشق: يعني انا مش عارفاكي يعني

عشق: صدقيني مرهقة شوية انتي اللي مالك زعلانه ليه

الباب بيخبط دق دق

عشق: مين جاي بس وبيخبط كده ليه

جاية اهو حضرتك

صاحب البيت: ايوة حضرتي يادكتورة بوصي بقي انتوا متأخرين إيجار شهرين وده مينفعش والنهارده بقي عايز إيجار الشهرين دول وبكرة تعزلوا وتسيبوا الشقة

ام عشق: إزاي بس والشقة بقالنا سنين فيها

صاحب البيت: ده اللي عندي سلام عشان معطلكوش علي تفضية الشقة

عشق: متقلقيش ياماما انا هتصرف

ام عشق: ازاي بس يابنتي يااارب ملناش غيرك ياارب

فون عشق بيرن بترد بتبقي همس بعياط

عشق الحقينا اختك.......

عشق بلهفة اي استحالة انا جاية حالا

فونها بيرن تاني رقم غريب

المجهول: دكتورة عشق معايا

عشق: ايوة انا انت مين

المجهول:...............

عشق: انت حقير

بدموع ليه بس كده يااارب ليه دايما في حالي ماليش علاقة بحد يحصل دع كله ليه بس اااااه

انتهي الفصل التالت من روايتنا علي خير وياتري

*الدكتور قال لعمر علي حالة رهف؟*

*مين السبب في وقوف رهف عن الإمتحانات؟*

*صاحب البيت عمل كده من نفسه ولا حد سلطه؟*

*همس قالت اي لعشق علي رهف خلاها تنهار؟*

*مين المجهول اللي كلم عشق وعايز منها اي؟*

*عسق هتفضل رافضة علاج اخت فهد في القصر ولا هتوافق بعد كل اللي جري؟*

ده كله هنعرفه الفصل الجاي من رواية عشقتك وعش*ي مستحيل

#ملكة الروايات??

#Gehad Sabba7?