Mabuti na lamang at dala ni Ada ang lahat ng mahahalagang papeles niya nang layasan niya ang kaniyang tiyahin. Walang naging problema si Jeremy sa pagkuha ng mga requirements niya. Tinupad niya ang kaniyang pangako na ii-enroll si Ada sa isang maganda at prestihiyosong unibersidad.
"Babalik ka na sa pag-aaral, Ada," natutuwang wika ni Nina. "Naku! Excited na ako para sa iyo."
"Hindi na nga ho ako makatulog. Dalawang buwan na lang, magsisimula na akong mag-aral ulit," tugon ni Ada. "Susulitin ko na ho ang mga araw na palagi kong kasama si Ethan."
"Para din naman sa kaniya kaya ka babalik sa pag-aaral. Kapag lumaki na si Ethan, siguradong magiging proud siya sa iyo."
Ngumiti si Ada. "Ang bait ho ni Jeremy," aniya.
Si Nina naman ang ngumiti. "Sa pilyo niyan at sobrang siraulo, ngayon ko
