Pagkaalis ni Ashley ay minabuti ni Jeremy na kausapin si Ada.
"Tungkol sa nangyari kanina..." aniya.
"Wala iyon," nakangiting wika ni Ada.
"Sorry kung nasungitan kita."
"Sinungutan mo ba ako? Hindi naman, ah. Ano ka ba, huwag mo nang isipin iyon." Nagpatuloy siya sa kaniyang ginagawa.
"Ipapakiusap ko lang sana sa iyo na huwag sana itong makakarating kay Yaya. Ayaw na ayaw no'n na nagdadala ako ng babae ko rito sa mansiyon hangga't hindi iyon ang babaeng papakasalan ko. Ayaw kong magalit siya sa akin."
"Walang problema," tugon ni Ada. "Huwag kang mag-alala, tahimik lang ako."
"Salamat, Ada," nakangiting wika ni Jeremy.
Naputol ang kanilang pag-uusap nang marinig ni Jeremy ang pag-iyak ni Ethan. "Ako na," aniya. Hindi naman siya pinigilan ni Ada. Kinuha niya si Ethan upang patahanin
