شاءت الاقدار

بارت 2

بذاك اليوم بقيت للصبح ادعي وابجي وكلشي مر على بالي مرن الشينات گبل الزينات ماحلمت اشيل أبني وافرح حالي حال اليجيهم طفل بالي راح لبعيد تخيلت محبوبتي وهيه تموت وشلون اشيعها وعلى متني اشيلنها بجيت ودعيت ربي بكل نيه صافيه

وگلت باجر اتوجه للأمير علي واشكي همي ال الله سبحانه وتعالى بحضرته

رحت ودعيت وحسيت روحي شويه سكنت

اسبوع على هالحاله ومااگدر اشوفها بعيني گمت اتحاشاها ماارد اشوف تعبها يمكن انه غلطان بس مو بيدي جنت مو بوعيي .

صحيت على نفسي وگلت هاي هيه انه شجاني تيهت رايي غير اشبع منها شوف

طبيت عليها وهيه متمدده

اريد صوتي يطلع ماگدرت بس عيوني يحجن كلشي

شفتها رادت تگوم گتلها اعله هونج يالغاليه ريحي

دنگت عليها حبيت راسها وبچت من شفتها تبچي ماتحملت انه هم بجيت وگتلها ارتاحي انه اغم واضوجج بس انتي لو تدرين بگلبي تعذريني ولج انه اريدج انتي ماريدلي منج ولد انتي تسوين الولد والبنات تسوين المال والحلال ولج وين اروح اني بدونج شنهي عيشتي فكرتي بيه من ردتيلج ولد

گلتي محبوبي وين ينطي وجها لو رحت ..خايبه لو تحبيني صدگ حافضتي على روحج ليش هيج تأذيني ليش

..بعد گلبي انت انه وطوايفي فدوه الدمعتك دمعتك هاي اغله من روحي وروحي ترخص الك مسلم فدوه اريدنك ترضى علي والله گلبي فرفح حته لو اموتن بس اريد اصير ام اريد احبل وهل حبلت والله نطاني الكاتبه الله يصير لايضل اعله بالك

..ونعم بالله بس ناخي الله ياخذ امانته گبل لااشوف ذاك اليوم

بقيت ومرت الأشهر والنفس ضاگ عليه ومن اروح للحمام افحط گمت مااكدر حته احجي وكل هذا ومسلم ماتيهني صارت گعدته يمي والنوم مايشوفه الا ساعات بالنهار ينام والليل يضل صاحي يناطرني

الى ان دخلت شهر التاسع وجان اول يوم بي بعد گمت مااتحمل وجان موعد العمليه بعدله اسبوع

بس تشنجت والنفس ضاع عليه

گمت اشهك النفس گوه ردت اشگ ثوبي من الخنگه

اخذوني للمستشفى وقرروو ينضمون دگات الگلب وراها رأسا ادخل للعمليه

مسلم

الله اليعلم شنهي الصار بيه ضليت ادعي ربي وحسيت روحي انتهيت وصارت الساعه عشره بالليل يله دخلوها للعمليات واني مااريد العمليه تخلص ولااريد الطبيبه تطلع وتگلي ماتت اموت ولااسمعها

بطت داخل العمليه وطلعولنه هاني گالو نودي للخدج خبروو ام علي بي واني بالي مو يمه ولاارد اسمي ولامفكر بأي شي يخص الطفل ولالزمته

اريدها هيه

تلث ارباع الساعه وطلعت الطبيبه

بهاي الدقيقه مااكدر اوصف شعوري ولالهفتي ودلي مااسمع ولااشوف وكون كلشي بعيد عني

..الطفل تعبان يرادله عنايه يومين وخليناه بالخدج

..دكتوره امه واني رافع حاجبي واحرك براسي

..امه بمعجزه ضلت عايشه بس تصحى من البنج ان شاءالله تشوفها

گعدت على حيلي وسجدت ال الله وشكرته

ومرت الأيام وكبر هاني وسهام عافيتها احسن شويه بس تفحط من تتعب

هاني صار عمره اربع سنوات وگام يعرف ويفتهم

واخوتي ابو علي صار عنده سبع ولد واربع بنات

وابو مالك صار عنده خمس ولد وبنيه

وابو صادق صار عنده تلث بنات وتلث ولد

ويسمون هاني الوحيد

گامت امه تضوج وانه هم گلبي ينعصر علي

..سهام

فدوه رحتلك ابو هاني تزوج وخلفلك اخو الهاني

..ياطلابة الزواج مامليتي ماتعبتي مااتزوج ماعلي هاني ولد عمومته هواي كلهم اخوانه

..والله الدنيا ماتتأمن والمثل يگول انه وابن عمي ع الغريب وانه واخوي اعله ابن عمي

..سهام نامي رحمه للخلفوج تره مالي حيل هالسوالف

مااگدر يامره نفسي ماتطاوعني

بيوم انه ابجي وشاف*ني اختي ام علي وهيه حامل بشهرها گتلها خيه ارد اخطب لبو هاني ومايرضه

..ياخيه شبيج تسودنتي دهر ف*ج ليش تدولبين بروحج حگج ماشايفتها نار الغيره ولج لليوم وگلبي يتگطع من يروح يمها اليشوفنه يگول اخيات والله يشهد مااكرها بس نار تشب بيه وهوه يمها

ماتتحملين داده

..ولج هاني يضل وحيد

..خيه امر الله جاانتي ضامنه ابن الشريجه يخاوي

..خيه موش هل علي وابراهيم اخيوان

..موش كل شريجه مثل ام ابراهيم عاقله وتفتهم

لاتطيحيلج بوحده نباشه

..جاشلون يضل هاني هيج

ام علي فكرت ابالها وگالت يجي ابو علي وأخذ رأيه

اجه ابو علي وهم ضايج على اخوو وگايله بسالفته

من گالتله ام علي على سهام گلها والله اصيله بس هوه مايريد غيرها حته انه حاولت وياه ويگول مااضلم بنت العالم وياي جذب گلبي يرف الغير سهام

..ابو علي عندي راي بس كون مايرضيك يولي جوه نعالك تكرم

..گولي ام علي انتي العزيزه وادري بيج عاقله رايج دوم بمحله

..انه گربت اولد وعندي خير من الله شرايك الأولده اذا ولد ننطي الأخوك لبو هاني يربونه ويصير اخوو الهاني وحته لو بأسمهم سجلوه مايضر

..والله خوش راي كونه يرضيج انه ابالي بس گلت صعبه انتي اتعبين بي وتنطينه خافن اشيل خطيتج

..لا جاهيه سهام اختي وهم هوه عمه وهيه خالته حته ماكو حرام

اتفقوو وهوه راح يگول االمسلم وهيه راحت السهام

ابو علي

..ابو هاني خويه عندي حجايه وان شاءالله ترضيك

..گول بعد اخوك شنهي حجايتك

..خويه انت تعرف ام ابراهيم توها ولدت وام علي هالأيام تولد ..

نور الشمس:

اي ع الخير عليك وربي يحفظهم الك ويبارك بيهم ويخليك الهم خيمه اعله روسهم بس ليش تگلي محتاج شي

..سلامتك اني وام علي اتفقنه اذا اجانه ولد من حضن امه ننطي الكم ويصير اخو الهاني وحته تسجيله اذا تريد خلي بأسمك

..والله خويه فاجأتني الضنه غالي ولاتتسرع

..مو اغله منك يخوي وعندي خير من الله وبعدين اريده يربه وي هاني

..والله يخوك ولدك كلهم ولدي الله يشهد بس اكيد الي يتربى على اديه غير وهاي وگفتك ماانساها

ام علي خبرت سهام وبجت المحنة اختها وجي فكرت بيها

اسبوع وبدت ام علي تطلگ

والبيت انخبص واجتهم الجده

وسهام على نار بين لوعتها اعله اختها وبين لهفتها للولد

وصار الولد وبيده اخذه ابو علي سلمه المسلم

اذن بأذنه وسماه جعفر

وهاني كام يموت على جعفر يحمي من كلشي والكل ينتبه عليه ماجنه طفل

كبر جعفر وصار عمره سنتين وهاني جان اول ابتدائي يجي من الدوام يذب نفسه على اخوه ويلعبه لمن يتعب

صارت علاقتهم قويه

بهاي الفتره العمام طلعوو كل واحد بناله بيت بنفس القريه واحد مجاور الثاني بس الأكل والجمعه ابيت الجد الي هوه بيت مسلم

دخلوو المدارس ولد وبنات والقريه بدت تطور الجديد يدخللها وناسها الله هاديهم بينهم محبه ونخوه

علي صار صف سادس علمي والبنات كلهن يداومن محد منعهم وبالع** يشجعونهم ع الدراسه

هاني شخصيته قويه بين الجهال مايحب يلعب وي الي بعمره عنده روحه جبير بس وي اخوو جعفر ينسه كلشي

سهام مداريتهم وروحها من الدنيا

وجانت تخاف على جعفر يكبر وينصدم

جانت تگله هاي امك وهذا ابوك يگلها عمي وعمتي اني امي وحده هيه انتي وأبوي واحد واخوي واحد

وتفهم بي وتگول منا لسنين يفهم

مسلم حيل يحب ولده وموفرلهم كلشي ويحب ولد اخوته كلهم والكل يحبوه بس يهابو اكثر

ام مالك نفسها ضعيفه والكره ضل بگلبها

كل ماتشوف الأخوان سوه تصيحهم

..هاني تعال عمه

..ها عمه شتردين

..شعندك حاير بهذا تره هوه موش اخوك ابن عمك هذا حاله حال ولدي واخوانه جاانت صدگت حجايات امك

..عمه مالج شغل بأمي وجعفر اخوي ومحد عندي بغلاته

جانت تموت من القهر وتريد هاني دوم يضل وحيد وتحس بسهام م**وره

بالأعياد من يجتمعون الا تحجي وتذب سمها

..ام علي داده گلبج مايحن شنهي من ام انتي

..شتردين خيه شبي گلبي

..لا هيج أكول وتحرك بشفتها منا ومنا

على جعفر ماناوين تاخذونه

..وليش خيه ناخذه جعفر ابن مسلم وسهام عندي خير من الله ولاتنسين سهام اختي وهاني عندي حاله من حال جعفر وعلي وحيدر ومشتاق وباقي اخيوانه

..جاخوش داده كونج مامهتمه نسوان الله منطيها گلوب غير

سهام ..ام مالك وتالي وياج شنهي التردينه مني بيش انه غاثتج

..ماغاثتني بس ماتخافين من الله تاخذين ولد من حضن امه وهسه انتي الكل بالكل يفتر وراج يمه مايمه وهاي المگروده يسميها عمه حته موش خاله

..گصري الشر ام مالك گاعده ابيتي والحشيمه العمي ماطول هوه بالحياة البيت بيته لو ماهوه والله جان رديتج على حلگج بهاي گلبها وجعها وگامت تفحط وتجر نفس قوي

ام علي احتارت بأختها وترشگلها ماي

..داده اعله بختج ام هاني خيه فدوه رحتلج اولادي كلهم اولادج مالج شغل اخيتج انه وجعفر وليدج والله ومهنايه بي يبعد اختج بس لاگلبج يتعب

طبوو ابو مسلم ومسلم والولد وعلي جان جبير وشاب وصادق نفس العمر

طبوووسمعو الهوسه والخبصه صاح ابو مسلم

شنهي الجاي يصير شبيجن سهام بويه خو مابيج شي

..أشرتله لا عمي بمعنى ماكو شي بس ماتگدر تحجي

ركضت ام علي جابت الحبوب شربتها السهام

ومسلم دنك يف*جلها وباوع الأخووه أبو مالك بنضره معناها الخاطرك بس سكتت

افتهم ابو مالك الصار والجد حذر ولده گلهم الي تتجرأ وتجيب هالموضوع وتعيده بيتي ماتوصل عتبته بعد

مرت الأيام وسهام مرتاحه والقريه كلها تحسدها على مسلم زلم ونسوان يسولفون بحبهم

كبر جعفر ودخل ابتدائيه وهاني مايفارگه

والي يجيسه ينتقم منه كلشي ولااخوو ماكو مثل خوتهم

يگضون لعبهم سوه طلعاتهم الى ان كبروو

هاني صار عمره عشرين وجعفر صار عمره ١٦ سنه

بهاي المرحله صارت علاقتهم اقوه صاروو شباب ماجن اكوو مرحله بينهم

جعفر يعرف اخوته علي وحيدر باقي اخوته

ويعرف امه هيه ام علي بس گلبه وشعوره يگله اخوك هاني وامك سهام وابوك مسلم

يتبع