يكفي أن يحبك قلبها بقلم ولاء يحيى باب الله

يكفي ان يحبك قلبها الفصل السادس

يكفي ان يحبك قلبها الفصل السادس

طبعا ميرنا كانت عارفه ايه الحاجه........ اللي عمر هيخاف يعيشها تاني .. وكانت قاصده تفكره وخوفه انها تعمل زي فرح

امل وشريف كمان فاهمين لعبت ميرنا وبصوا لبعض بضيق

ميرنا تبص لامل وشريف ورحت سيبه ايد عمر

ميرنا : انطي حبيبتي......... ايم سوري علي الحصل امبارح انا

مليش دعوي ببابي...... انا كل اللي يهمني عمر وانتم وب.. (وتبص لعمر) يلا نلحق ساندي........ و العيلة وتقعد معهم

ورحت راجعه ومسكه ايد عمر وخدته ومشيت

ريم مشيه مضايقه وبتكلم نفسها : بيتسلي بيا .........فكرني لعبه بيلعب بيها و خطبته مش موجوده..... بس انا الغلطانه .ولازم وقفه عند حدود ويعرف مين ريم

ويروحه يعقده علي التربيزا ...ويحصلهم عمر وميرنا وامل وشريف

ميرنا : هاي ازيكم

وتقرب من ساندي اللي قعده علي رجل ريم....... وتحاول

تشيلها بس ساندي تصرخ ......وتستخبي في حضن ريم

ميرنا لريم بضيق : ممكن تسبيها عشان ابوسها

ريم بضيق : انا مش مسكها...... هي اللي مسكة فيا

ميرنا بتشد ساندي بالعافيه...... وساندي بتصوت ومسكه في ريم

امل : خلص يا ميرنا سبيها...

عمر بضيق : سبيها برحتها يا ميرنا...... ساندي مابتحبش حد يبوسها بالعافية

ميرنا بغيظ : انا عاوزه اقرب منها بس ريم مسكها

شريف بضيق : ريم مش مسكها....... هي اللي مسكه ريم... وخلاص سبيها..... هي مش عاوزه تجيلك

امل بغضب : ميرنا اقعدي بقي ......الناس بتبص علينا

ميرنا تعقد متنرفزة .......وتمسك ايد عمر وتقعده جمبها....... وهو عينه علي ريم....... اللي مش بتفكر تبص عليهم........ وراح شريف قعد جمب ريم........ ودا جنن عمر

قعده شويه يتكلموا كل اتنين سووا......... وطلبه الغدا .......وساندي رجعت طبيعية....... بس قعده علي رجل ريم وتلعب ... وريم بدأ تقلق لتأخير حسن و شريف حس انها قلقانه ..... فقرب منها

شريف : مالك يا ريم

ريم بخوف : حسن أتأخر اوي انا قلقانه عليه

شريف : تحبي تقومي نشوفه

ريم : ياريت لو سمحت

وتقوم ريم مع شريف .. وتدي ساندي لامل .....ووهم ماشين

عمر بضيق وغيره : علي فين يا ريم

ريم بصتله بس قبل ما ترد رد شريف

شريف وهو قاصد يغيظه : هنروح نتمشى شويه ( ويغمز له وهو قاصد يغيظوا )...يلا يا ريموا

ميرنا حست بغيرة عمر

ميرنا بخبث : شريف شكله معجب بريم ..وهي كمان شكلها معجبه بيه... عارف احنا ممكن نتجوز كلنا سووا في نفس اليوم

عمر غار زياده... وبقي عاوز يروح ورهم ويرجع ريم

ريم وشريف ماشين....... وريم بتفكر ومضايقه

شريف : متقلقيش تلقيه وقف....... مع زميله بيرغي

ريم : انا قلقانه بس ليكون بيدور علينا ........ومعرفش مكانا

شريف بضحك : انتي محاسسني انه ابنك مش اخوكي

ريم بابتسامه : هو فعلا ابني......من بعد موت بابا الله يرحمه انا اللي بقيت مسؤوله عنه

شريف : عارفه انتي وعمر متشبهين جدا علي فكره

ريم اضايقت لما جاب سيرة عمر

شريف : بس عمر اتغير بعد اللي حصلوا .......... وبقي فريسه سهله لميرنا اللي ظهرت وقت صدمته واستغلتها عشان تقرب منه وتخليه يتجوزها ( ويقف ويبصلها ) بس من اول ما ظهرتي انتي بدأ يرجع عمر بتاع زمان ... انتي عارفه انه فسخ خطوبته من ميرنا امبارح

ريم بصتله بصدمه : ازي هي معاه النهارده ......وواضح انهم كانوا متافقين يتقابلوا

شريف : لا خالص دي جيه علشان ......تكمل استغلال ليه.......... عمر فسخ خطوبته منها امبارح ........قدمنا ( ويبصلها)....... هو انتي تعرفي حكاية عمر ومين مامتها ل**ندي

ريم تهز راسها بنفي

شريف: انا هحكيلك يمكن تلقي حل يساعدنا

ونسيب شريف يحكي لريم

يكفي أن يحبك قلبها

#بقلم_ولاءيحيي

الحلقه (٦)

شريف فضل يحكي لريم كل حاجه عن عمر........ واللي حصل في 6 سنين الفاتو من حياته...... وعن احساسه بذنب لموت فرح .........و انه لما كان مصدوم وبيلومهم على جوازه من فرح .......خالوا وميرنا استغله وضعوه و قربوا منه .........و قدرو يخليه يخطب ميرنا بس عمر ما حبش ميرنا هو خاطبها عيند فينا علشان هي مش شبه فرح و مختلفه عنها

وحكالها علي علاقة عمر بيه ......وازاي هو بيشبها..... وانه وقف جمبه وبيعلمه الشغل ......وبيعامله علي انه اب ليه مش اخ كبير.... رغم فرق السن الصغير بنهم ...... زي ما هي بتعامل حسن

وحكلها عن علاقته بامل...... وقد ايه هو وباره بيها....... وعلاقته بساندي اللي بقي ليها الاب وو الام وكل حاجه ......

وازي حسوا بتغير عمر في الاسبوعين اللي فاتوا .......... وبدأ يرجع لطبيعته .........وانه ساب ميرنا وفسخ الخطوبه....... وحكلها اللي حصل قدامهم من ميرنا ........وتهددها ليه انها تنتحر.....

شريف: هي دي كل حكايه عمر.....( يقف ويبصلها) صدقيني يا ريم انا ما زودتش حاجه من عندي....... والا قولت حاجه ماحصلتش

ريم ببتسامه : مصدقك يا شريف...... بس عمر عايش صراع جو نفسه......... صعب جدا اللي مر بيه..... مكنش سهل ابدا عليه

شريف : عشان كده يا ريم انا وماما فرحنا جدا ..... لما شوفنا عمر بيرجع لطبيعته...... ورجع عمر بتاع زمان......(ويبصلها) ......وكنتي انتي سبب دا

ريم ب**وف : انا

شريف : ايوه انتي يا ريم....... انتي البنت اللي عمر طول عمره بيحلم بيها .........نفس اللي مواصفات....... كان دايما زمان يقول....... عاوز بنت جميله جمال طبيعي....... مش مزيف بادوات التجميل....... وتكون محترمه تلبس وتغطي نفسها...... وانه عاوزها تكون قلبها كبير ........تدي من غير ما تستنا تاخد......و تقف جمبه وقت الجد ........ ووقت الضحك والفرح تملي البيت حب وجنان ....... ودي كلها مواصفاتك يا ريم....... عمر كان بيتمناكي من قبل ما يشوفك....... واول ما شافك...... الغشاوة اللي علي عنيه اتشالت........ ورجع لنفسه ....( ويبص ليها) ......ريم انا حاسس..... ان مش عمر لوحده اللي حس بيكي......وانك انتي كمان حسيتي بيه...... ( ريم لسه هترد)...... انا مش عاوز رد يا ريم........ انا كل اللي عاوزه منك .....انك تدي لي عمر فرصه .... ومتسبيش ميرنا تنتصر .... وتاخدو منا

ريم بابتسامه : يعني عاوزني اروح اشده من جنبها .....وقوله فتح انا اهو

شريف بضحك : دي كانت تقوم تعضك....... لا يا ريم مش عاوزك تعملي كده...... انا مش طالب منك غير انك تفضلي موجوده قدامه......... و متهربيش خليه يشوفك قدامه دايما زي الايام الفاتت.........و متسمحيش لميرنا ترجع الغشاوة لعينه....... اديلوا فرصه يعرف حقيقه مشاعره........... عمر محتاجك يا ريم.......... واللي محتاجك اكتر ساندي .......اللي مش عارفين حياتها هتبقي ازي لو عمر اتجوز ميرنا ساندي حبيتك واتعلقت بيكي وحست معاكي بأحساس عمرها ما حسيت بيه..... احساس ان يكون ليها ام

ريم بابتسامه : انا كمان حبيتها اوي( وتبص لشريف).انا حاول يا شريف........ بس هو اللي لازم ياخد القرار مش انا......

شريف بفرحه : وهو هياخد القرار....... بس محتاج شويه وقت وصبر .........وربنا معنا نقدر نبعد الحيه اللي اسمها ميرنا عنه

ووهم ماشين شافوا حسن.......كان وقف مع مجموعه شباب

ريم بابتسامه : حسن هناك اهو....... شوفت طلع وقف يرغي زي ما انت قولت

شريف بصلها وابتسم ........بس كان من جوه مضايق ......لانه شاف حسن وقف مع مايا وشلتها..... فخاف عليه منهم...... لانه عارف انهم شيله فاسده ....... واللي داخل فيهم خسران

شريف بصوت عالي : حسسسسن

حسن يشوفهم فيستأذن .......ويجري عليهم

ريم بغيظ : بقي انا قلقانه وعمله ادور عليك ..... وانت وقف ترغي..... وبعدين مين دول

حسن بفخر : المعجبين واقفوني يسلموا عليه..... ويتعرفوا بيه......... اخوكي بقي اشهر لاعب في النادي

شريف يحط ايده علي كتف : طب يلا يا نجم عشان نتغدا ........وسيبك من المعجبين .. . ركز انت في اللي لعب ......ريال مدريد مكلماني عليك

حسن بضحك : طبعا هو انا اي حد.....دا انا ابو علي

ريم بضحك علي اخوها : طيب امشي يا فالح نتغدا ...... عشان نروح .........وراك مزاكره والا

حسن بخوف : لااااااا من غير والا .... دا انا هاكل الكتب مش الغدا

ويرجعه مكان ما هم قاعدين .........وكان الغدا وصل .......وعمر كانت عينه عليهم وهم جاين ......وكان شايفهم هم التلاته بيتكلم ويضحكه ..... ريم كانت نفسيتها اتحسنت شويه بعد كلامها مع شريف....... ووشها بقي بيضحك ودا لفت نظر عمر وغيرتوا زادت .......... وقعدت تاكل وتضحك مع تقي وهاجر وتلاعب ساندي

ميرنا طول القعده بتحاول تلفت نظر عمر..... بس كان كل اهتمامه ونظره علي ريم...... اللي كانت قعده تلعب مع ساندي وتضحكها وبقي يبتسم معاهم

ميرنا بغضب : عمر ما تيجي نقوم انا وانت نمشي ونروح مكان لوحدنا

عمر بضيق : ماينفعش يا ميرنا .....انا جي مع العيله .....ولازم اروح معاهم ......... والنهارده الجمعه واليوم دا ......اللي بقعد فيه مع ساندي وماما

ميرنا بدلع تمسك ايده وتنام علي كتفه: طيب وانا يا حبيبي .....مليش نصيب في اليوم دا

عمر يشد ايده و يبعد عنها : ميرنا بلاش الحركات دي..... وقعدي واتكلمي من غير دلع

ميرنا بغيظ : ياااااا لدرجاتي....... دا انت مش طايقني المسك حتي ..... ما تقولي قومي امشي احسن......

عمر نفخ بغضب.... وبص بعيد عنها

ريم كانت بدات تحس برعشه في جسمها .......وتحس ان دخل عليها برد ...ووهي بتترعش حست بيها تقي اللي قاعده جنبها

تقي بقلق : مالك يا ريم انتي كويسه..... بتترعشي ليه

ريم بتعب : حسه اني بردانه......شكلي اخدت برد

تقي بغيظ: طبعا من الدش المياه الساقعه اللي خدنه الصبح....... طيب يلا يا حبيبتي نروح .......واعملك حاجه دافيه

ريم بابتسامه : لا عادي خلينا شويه..... الكل مبسوط

تقي : لا كفايه عليهم كده النهارده.....( ورحت بصه لامل) طنط امل مش يلا بينا بقي

امل :برحتكم يا حبيبتي .....عاوزين تروحوا يلا

وفعلا يقومه كلهم ويتحركه...... وريم مسكه ايد ساندي ومأنكجه حسن...... وتقي مشيه جمبهم ومسكي هاجر...و امل مسك شريف اللي عمل يهزر ويضحكه.......

عمر قام وقف... عشان يمشي

ميرنا بغضب : انت ريح فين يا عمر.......

عمر بضيق : انتي مش شايفهم مروحين....... مروح معاهم

ميرنا بغضب : انت هتسيبني وتروح معاهم ......مش معقول يا عمر.. طيب قعد خلينا نتكلم

عمر : ماينفعش اسيبهم ...... انا جي معاهم .....ولازم ارجع معاهم ........

ميرنا تنفخ : خالص هاجي معك.... نروحهم ونخرج

عمر بضيق: تيجي فين........ هو مش انتي جيه بعربيتك...... روحي شوفي اصحابك فين...... وخليكي معاهم .... سلام

وسيبها و جري بسرعه...... عشان يلحقهم

عمر وهو بيجري : سااااااندي

ريم وساندي بصوا عليه ......... لقوه جي لوحده يجري وراهم ..ساندي جريت عليه بفرحه......... وريم كملت مشي مع حسن

عمر يبوس ساندي : انتي هتركبي مع بابي العربيه ..... احسن هخا**ك

ساندي بزعل : هركب مع ريم ...

عمر بابتسامه : طيب اجري بسرعه....وخدي ريم ورحي علي عربية بابي .......وا**بي جوجو في الجري......... عارفه لو **بتيها وركبتي مع بابي انتي وريم.......... هجيبلك شكولاته كبيره

ساندي بفرحه : ماثي

عمر يبوسه اوي...... وتنزل ساندي ......وهي تجري بسرعه وتروح تمسك ايد ريم........ وتشدها وتجري بيها ........ وعمر يبتسم اوي وهو شايفهم ريحين لعربيته........ يوصلوا علي العربيه وساندي تشدها لعربيه عمر وتفتح

ساندي بفرحه : بسرعه ريم اكبي...... عشان ن**بهم

ريم كانت بدأت تتعب وماخدتش بالها دي عربيه مين

ريم: حاضر يا حبيبتي..... بس برحه لتتخبطي....... وتفتح العربيه وتدخلها وتركب جمبها وتقفل ..... ريم لقيت عمر بيفتح الباب العربيه وبيركب

ريم اتصدمت ...... وبصت حاوليها .... لقت حسن رح علي عربيه شريف اللي قدامها...... وأنها ركب عربيه عمر.... فخافت انه يفكر انها هي اللي ركبت معه

ريم ب**وف : اسفه ماخدتش بالي انها عربيتك...... ساندي اللي شدتني ليها فركبت

ولسه هتفتح الباب وتنزل...... فعمر قفل سنتر لوك العربيه من عنده

عمر بابتسامه : ريحه فين...... واسفه علي ايه...... انت مكانك اصلا في عربيتي..... ومعايا انا مش مع حد تاني

ريم ات**فت وبصت من الشباك........ وهو باصص ليها ...... ولسه هيتكلم........ لقي تقي وهاجر جم وبيخبطه علشان يفتحلهم ......واول ما فتح ركبوا بسرعه معه

عمر بضيق : حيلكم حليكم علي فين... دا مكان ماما يا ست تقي روحي عربيه شريف

تقي برخمه : لا احنا عاوزين نركب سوا كلنا...... ولو مش عجبك روح اركب انت مع شريف..... وانا هسواق

عمر بغيظ : ايه يا بت الخفه دي قومي انزلي

تقي برخمه :لاااا ابدا.... وخلاص طنط امل ركبت مع شريف..... يلا سواق يا سواق

هاجر وساندي يضحكه .......و ريم ابتسمت ...... وعمر بصلهم بغيظ و مشي وهو مغلوب علي امره....... وهم فضلوا يرغوا طول الوقت...... ومخلهوش يعرف يكلم ريم كلمه

وصلو الفيلا وكل طلع يغير هدومه..... بس ريم حست بسخونيه.... فنامت علي السرير

تقي تدخل لريم اوضتها : هااا يا ريم عمله ايه دلوقتي

ريم بابتسامه بس فيها تعب: الحمد الله بس....... هنام شويه وان شاء الله لما قوم.... هكون احسن

تقي : طيب هروح اجيبلك حاجه للبرد واعملك لمون

وقامت وسابتها..... ورجعت بعد شويه...... كانت ريم نامت من التعب...... فسابت جمبها العلاج واللي لمون ونزلت

في الجنينه كان الكل قاعدين امل وعمر و شريف وحسن وساندي بتلعب قدمهم

شريف : يلا يا حسن قوم قدمي..... ووريني المسأله اللي بتقول انها وقفه قدامك

وقام حسن مع شريف ورحو تربيزه بعيده عنهم عشان حسن يذاكر

شريف بضيق : حسن انا النهارده شوفتك .....كنت واقف مع مايا وصحابه

حسن : ايوه وانا خارج من الملعب..... لقيتها بتنادو عليها.... ولقيت مايا .....بتفكرني بنفسها ......انا كنت نسيها..... وقالت اني بلعب حلو...... واصحابها مش مصدقين اني اقربها........ فاخدتني تعرفني بيهم

شريف يقرب منه : حسن انت اخويه الصغير....... وانا من يوم ما شوفتك .... وانا حاسس اني مسؤال عنك فهطلب منك طلب

حسن : اتفضل وانا هنفذ علي طول

شريف بابتسامه : بلاش تقرب من مايا او اصحابها...... متدهاش حتي فرصه .....انهم يقف يتكلموا معك..... او يسلموا حتي عليك...... دول ولاد سمعتهم مش كويسه.... والكل في النادي عارفهم..... حسن انت قدامك مستقبل كبير....... والكل متوقع ليك انك هتبقي لعب عالمي....... واختك ومامتك حطين كل امالهم فيك ......والشله دي شويه عيال فاشلين ..... وجودك او ظهورك معاهم هيأثر علي مستقبلك .....فابعد عنهم

حسن بابتسامه : حضر انا مش هكلمهم تاني وهبقي من التمارين للبيت علي طول

شريف ببتسامه : جدع ..... يلا وريني المسأله

امل : ناوي تعمل ايه يا عمر... هتجوز ميرنا

عمر ينفخ بضيق : مش عارف اعمل ايه يا ماما ..... بس جوز لا انا مش هتجوزها.......... ميرنا ماتنفعش لا زوجه ولا ام لبنتي

امل تتن*د : ما قولنا الكلام دا...... من الاول بس الحمد الله انك رجعت ل*قلك

عمر بضيق :طيب اعمل ايه يا ماما........ وبعدها عني ازاي من غير ما تعمل تصرف مجنون

امل بضحك : هو انت صدق انها ممكن تعمل حاجه في نفسها........ يابني دي بتخاف ت**ر ظوافرها .......دي كانت بتقولك كده عشان متسبهاش........ مش حب فيك انا لو كنت حسيت ان ميرنا بتحبك كنت هقولك خليك معاها ....... ميرنا بنت اخويه وانا كنت اتمني تكون بطبع واخلاق تانيه...... بس ميرنا نسخه من ابرهيم.......... مابتفكرش غير في الفلوس وطمعنا فيك ( وتحط ايدها علي كتفه) ابعد عنها يا عمر..... وانهي الموضوع دا بسرعه...... قبل ما تخسر شيء غالي اوي....... لو بعد عنك مش هتعرف ترجعوا تاني

عمر كان فاهم ان امل تقصد ريم فابتسم ليها

عمر بابتسامه : انا هكلم ميرنا .... واروح اقا**ها....... وانهي معها كل حاجه

امل بفرحه : دي احسن حاجه تعملها......... قوم دلوقتي كلمها....... وخالص الموضوع دا دلوقتي قبل بكرا

وهم قاعدين تقي وهاجر راحوا ليهم

امل : كل دا بتغيروا هدومكم

تقي بقلق : كنت بطمن علي ريم

امل بقلق: ليه مالها...... ومنزلتش معاكم ليه

تقي: شكلها اخدت برد.... من المقلب بتاع هاجر وساندي....... علي ما رحت اجيبلها علاج وعملت لها لمون...... كانت نامت........ قولت اسيبها ترتاح شويه

عمر بقلق : تعبانه اوي اجيبلها دكتور

تقي: لا برد عادي ......لما تصحي هتكون كويسه ان شاء الله

امل : يلا يا عمر روح انت مشوارك.... بسرعه وعلي ما تيجي تكون ريم صحيه....... وبقت كويسه ونتعشا كلنا سوا.... ونحتفل

عمر : تمام سلام مؤقت ( ويقوم وهو بيطلع تلفونه وبيتصل بميرنا)

تقي: هو رايح فين

امل بفرحه : رايح يفسخ خطوبته من ميرنا

تقي بفرحه : بجد اخير...... ايه التغير الكبير دا ..

امل ببتسامه : ريم سبب التغير دا

تقي بستغراب : ريم ازاي

امل بابتسامه : عمر معجب بريم

تقي ابتسمت اوي: بجد.... طيب عارفه ريم هي اللي تستهل عمر بجد

امل : ربنا يجعلها من نصيبه........ ويكتبلهم الخير...... ويبعد عنها الشر ....... احسن اللي هيعمله عمر .........لا ميرنا ولا ابرهيم هيفوته بسهل

تقي بقلق : ربنا يسترها....... خوفتيني يا طنط

امل : ربنا معانا يا حبيبتي

ميرنا قاعده في النادي لقيت تلفونها بيرن

ميرنا: حبيبي اكيد وحشتك

عمر : انتي فين يا ميرنا

ميرنا : لسه في النادي يا حبيبي

عمر : كويس انا جيلك

ميرنا بفرحه مصطنعه: انا كنت عارفه اني مش ههون عليك ........مستنيك يا قلبي

انجي: دا عمر

ميرنا بضيق : ايوه جي

انجي: انتي مش بتقولي مرضيش يقعد معاكي ...... ومشي وسابك

ميرنا: واهو اتصال و جي....... وانا عارفه جي ليه....... بس ماكنش ميرنا ........لو ما خليته يرجع يبوس ايدي عشان اسامحوا....... اتجوزه

وبعد شويه وصل عمر ورح لعندها

ميرنا تقوم وتقرب منه: حبيبي انا مبسوطه اوي...... انك رجعت تقعد معايا

عمر بضيق : عاوز اتكلم معاكي ضروري

ميرنا : تعال الاول اعرفك علي صحبتي ...دي انجي انتيمتي ودا عمر يا انجي ( وتبص ليه وتحضن دراعه ) عمري كله

انجي بابتسامه : اهلا يا عمر .......دي ميرنا مبتكلمش غير عنك اصلها .....دي بتحبك اوي

ميرنا تنام بدلع علي كتفه : عمر دا كل حاجه حلوه في حياتي ...... دا بابي ومامي واهلي كلهم...... مش حبيبي وبس

عمر بضيق : ميرنا تعالي نقعد لوحدينا....... عشان نتكلم شويه

ميرنا : حاضر يا حبيبي سلام يا انجي..... هبقي اتصل بيكي

وتاخد عمر وتمشي ويروحه يعقده في مكان تاني لوحدهم

ميرنا : قول يا حبيبي..... مع اني عارفه انت جي تقول ايه

عمر بصدمه : عارفه ايه

ميرنا بابتسامه : غيرت رائيك وعاوزنا نتجوز قريب

عمر بضيق : ميرنا انا وانتي مش هينفع نتجوز........ احنا لازم نسيب بعض....... و انتي هتفضلي بنت خالي واختي....... واي وقت هتحتاجيني...... هتلقيني قدامك بس انا وانتي ماينفعش نتجوز

ميرنا بحزن مصطنع: ليه يا عمر .......انا بحبك ومستعده اعمل اي حاجه عشانك ........ولو بابي مضايقك انا ممكن ابعد عنهم كلهم ....... هسيب البيت ..... وهقطع علاقتي بيهم خالص ومش هكلمهم تاني ابدا.......... انا ممكن اسيب الدنيا كلها عشانك

عمر بشمئزاز منها وبيقول لنفسه (اللي تستغني عن اهلها بسهوله كده........ وعندها استعداد تبعد عنهم ....... هتحافظ عليك وعلي بيتك وبنتك ازاي........يااااااا هو انا كنت اعمي لدرجه دي)

عمر بضيق : ميرنا انا وانتي مختلفين عن بعض....... ومش هنقدر نكمل سوا

ميرنا بستهزاء : وانت اكتشفت ان احنا مختلفين....... لما ظهرت ريم هانم مش كده

عمر بغضب : ملكيش دعوي بريم يا ميرنا......... انا بتكلم علينا احنا.......... و بعدنا لمصلحتك قبل مصلحتي........ وزاي ما قولتك ........اي وقت هتحتاجيني انا تحت امرك .......انتي بنت خالي ودا شيء عمره ما هيتغير بعد ازنك

وقام وسيبها وبعد ما بعد عنها ....... اتن*د بارتياح شديد انه خلص منها

ميرنا بضيق وعصبيه : انا هوريك يا عمر....... ان ما رجعتك زي الجزمه مبقاش ميرنا ..........وريم دي هعرف ازاي اربيها ........... عشان تحط عنيها علي حاجه بتعتي

وفي الفيلا تقي وامل كانوا عند ريم

تقي بقلق: دي سخنه اوي يا عمتو ........ومش حسه بحاجه

امل بقلق: لازم ننزل الحراره....... انا هروح اجيب مياة بخل وفوطه .......واعملها جمدات ......وهكلم عمر يكلم الدكتور

وتتصل امل علي عمر

عمر بفرحه: ايوه يا ماما انا خلاص سبت ميرنا......... ورجع اهو اعملو احلي عشا عاوزين نحتفل

امل بحزن : الحمد الله يا حبيبي....... ربنا يبعد عنك شرهم يارب

عمر بقلق : مالك يا ماما شكلك مش مبسوط..... هو في حاجه حصلت

امل بحزن : ريم سخنها اوي وتعبانه....... اتصل بدكتور يجي يشوفها

عمر بخوف : حاضر حاضر هتصل بيه حالا وانا وصلت اهو

وصل عمر وبعد شويه وصل الدكتور...... وعمر خده وطلع عند ريم

وبعد الدكتور ما كشف عليها ..........قالهم انها عندها نزلت برد شديده.......... وان اول ما السخنيه تنزل هتفوق...... وكتبلها علي ادويه .......ورح شريف وحسن يجبها

....... والكل فضل قاعد جمبها......... وعمر كان في الصاله ونفسه يدخل يطمن عليها.......... بس امل وتقي كل شويه يخرجه يطمنه

امل الساعه 12 خرجت لقيت عمر قعد علي الكنبه .......وساندي نايمه علي رجله .......وهاجر نايمه علي الكنبه التانيه......... وحسن نايم علي الكرسي

امل : عمر انزل انت يا حبيبي نايم ساندي ........وارتاح انت عندك شغل الصبح

عمر بقلق: ريم عمله ايه دلوقتي

امل : الحراره بتنزل. وتطلع ..........بس الدكتور قال دا طبيعي .......وان شاء الله الصبح هتبقي كويسه....... انزل انت ارتاح........ وانا لو فيه حاجه هكلمك

عمر شال ساندي ونزل بيها .......وامل صحت هاجر وحسن ودخلتهم ينامو في الاوض التانيه....... ودخلت هي لريم

امل : قومي نامي يا تقي جمب هاجر في اوضه فاطمه......... وانا هفضل جمب ريم

تقي : لا يا طنط ارتاحي حضرتك .......انا مش عاوزه انام هفضل انا جمبها

امل : طيب يا حبيبتي..... انا هريح علي الكنبه هنا جمبكم........ ونبدل مع بعض

عمر نزل ونايم ساندي علي سريرها .......وخرج وكان رايح علي اوضته...... لقي شريف وقف في الفرندا فارح لعنده

عمر : سهران ليه

شريف: مجليش نوم....... قلقان علي ريم

عمر بضيق وخوف : انت بتحبها يا شريف

شريف ببتسامه ويبص ليه : بحبها جدا....... ( لقي الحزن اترسم علي ملامح عمر فبتسم )........ زي اختي بظبط مش اكتر من كده

عمر فرح وابتسم : ان شاء الله هتبقي كويسه

وفضله يتكلمه شويه........... وعمر حكي ليه الليحصل مع ميرنا .....وانه سبها نهائي

شريف بفرحه : الحمد الله...... بس انا عاوزك تاخد بالك من نفسك....... لان لا خالك ولا ميرنا هيسكته

عمر بضيق : هيعمله ايه يعني

شريف بضيق : توقع منهم كل حاجه .......... خالك ممكن يعمل اي حاجه.......... هو كان عاوز يجوزك بنته........ عشان يدخل الشركه والبيت باي شكل......... وانت دلوقتي ضيعت الفرصه دي ........وخصوصا اني عرفت انه عليه ديون كتير وقرب يعلن افلاسه

عمر : هو لو طلب مساعدتي ..........هقف جمبه هو في الاول والاخر خالي .........

شريف بضيق : هو طمعان وعاوز ياخد كل حاجه عندنا ....... ماكفهوش فلوس ماما اللي وخدها........... عاوز ياخد كل اللي عندنا كمان........ ( وينفخ بضيق) ربنا يبعده عنا........ بس لازم ناخد بالنا لانه هيحاول ينتقم ويخسرنا

عمر : ربنا معانا .....( ويحط ايده علي كتف شريف) وطول ما احنا بنتقي ربنا و ايدنا في ايد بعض...... ربنا هينصرنا ان شاء الله

ويفضله يتكلمه ويصلي الفجر... وبعدين يدخلو يناموا

وتاني يوم عمر رح شغله بس ماقدرش يقعد هناك......كان قلقان علي ريم........ ف*جع البيت وعلي العصر ريم فاقت......... بعد ما الحراره نزلت...... والكل ارتاح واطمن عليها....... و دخلوا كلهم عندها عشان يطمنه عليها ..واولهم عمر الكان هيتجنن ويشوفها

حسن وهو قاعد جمبها وحضنها : حمدالله علي سلامتك يا ريم .....كده تخاوفيني عليكي

ريم بضحك : عشان تعرف الاحساس لما بتخوفني عليك .......وتاخد بالك من نفسك

هاجر بزعل : انا مش هرش مياه تاني عليك ريم تزعليش

ريم وهي بتحضنها : لا يا جوجو انا مش زعلانه....... ومش المياه اللي تعبتني. ...... دا انا اللي شربت مياه ساقعه اوي اوي وهي اللي تعبتني

هاجر : مش تشربي مياه ساقعه تاني واللي انا اشرب

ريم ببتسامه : حاضر مش هشرب مياه ساقعه

امل : الحمد الله.... حمدالله علي سلامتك يا ريم

ريم بحب : الله يسلامك يا طنط .......ومتشكره جدا لتعبك طول اليل

امل: متشكره دا ايه يا بت دا انتي بنتي

ريم تبص لتقي : وانتي يا تقي ربنا يخليكي ليه..... انا كل ما كنت افتح عيني اليكي جمبي

تقي بحب : المهم انك بخير يا ريمو..... ومتقلقناش عليكي كده تاني

شريف : بس انا بقي اللي زعلان منك يا ريم

ريم باستغراب : زعلان ليه

شريف بخبث : عشان بتعبك خلتينا محتفلناش امبارح

ريم باستغراب : نحتفل بايه

امل بابتسامه : بعمر..... اصله بعد ما رجعنا .....رح وقابل ميرنا وفسخ خطوبته منها ...

ريم ات**ف ووشها احمر: ربنا يعوضك خير ان شاء الله

عمر يبصلها بحب : هيعوضني بكل خير ان شاء الله........ انا واثق ان ربنا بعتكم لينا...... وبعت معاكم الخير

ريم ت**ف و تغير الموضوع : ماما عمله ايه كلمتهم تاني

عمر بابتسامه : انا كلمت عمي عبد الحميد الصبح....... وقال انها هتبداء علاج بكرا ان شاء الله

امل: بشفاء يارب ......وترجع لينا بالف سلامه..... ونحتفل الاحتفال الكبير

ريم : هو انا ممكن اكلمها

عمر : اكيد هكلمهملك

واتصل عمر علي عبد الحميد...... وريم كلمه مامتها واطمنت عليها ودعتلها وقفلت

تقي: انا هقوم اجبلك شوربه تاكليها....... عشان تقومي بسلامه

ريم : ماتتعبيش نفسك يا تقي....... انا بقيت كويسه ...وان شاء الله هنزل بكرا الشغل

عمر: لا طبعا مافيش شغل ......وخرج قبل اسبوع م***ع

ريم : بس انا بقيت كويسه ......وماينفعش اغيب كل دا من غير سبب

عمر بابتسامه : متقلقيش شريف بكرا رايح المستفي البتشتغلي فيها ........يودي ادويه تبرع من الشركه للمستشفي .....هيبقي يقدم ليكي على اجازه

ريم بابتسامه : متشكره اوي ( واخدت بالها من كلامه) هو انتم هتتبرعه بادويه للمستشفي

شريف : احنا كل سنه..... بنعمل كده ونتبرع للمستشفيات إللي فيها نقص بادويه...... مش عشانك يعني متخافيش

ريم ضحكت : مش قصدي.......... بس يايريت تخلو بالك....... لان للاسف...... بعض التبرعات اللي بتيجي مش بتوصل للمرضي ........وبياخدها يبعوها في الصيدليات وياخده فلوسهم

امل: يا ساتر يا رب ياخدو دواء الناس الغلابه يبعوها

ريم :ياااا يا طنط....... دا اقل حاجه بيعملوها استغلال المرضي في المستشفيات الحكوميه كتير اوي

عمر بضيق : طيب الحل ايه...... نعمل ايه عشا الادويه توصل لناس

ريم : بكرا ان شاء الله .......وانت هناك يا شريف....... اسأل علي الدكتوره نهي....... هتلقيها في الدور الخامس في الصيدليه .........ونهي هتعرفك علي الدكاتره اللي بيساعده المرضي .........وهتستلم منك الادويه وهم هيحافظه عليها...... ومش هيصرفها غير لليستحق....... وانا هكلمها وعرفها واتفق معاها

شريف : خلاص تمام .......ووانا لما اروح هقدم ليكي اجازه مرضيه لمده اسبوع

ريم : متشكره جدا

وفضلوا يتكلموا شويه لحد ما ريم بدأت تنام تاني فخرجوا كلهم...... وسبها ترتاح

وتاني يوم شريف وصل المستشفي وطلع لصيدليه ويخبط علي الباب ونهي تفتح

شريف: دكتوره نهي

نهي بابتسامه : اكيد حضرتك استاذ شريف

شريف بابتسامه : ايوه انا ازيك

نهي بابتسامه : الحمد الله...... اتفضل انا ريم كلمتني...... وفهمتني ....... وانا هعرف حضرتك دلوقتي علي الدكاتره........ وهستلم منك الادويه....... بس ممكن الكشف بلادويه ال مع حضرتك

شريف ادها الكشف .......وخرج هو وهي ولفه علي الدكاتره إللي رحبوا جدا بيه وشكره ......وبعد ساعه

شريف بابتسامه : متشكر جدا يا دكتوره...... تعبتك معايا

نهي بابتسامه : احنا المتشكرين لحضرتك جدا .......وياريت كل الشركات تعمل زيكم ..... الناس في المستشفيات الحكومه محتاجه اي مساعده

شريف : انا هدي لحضرتك رقمي....... واي مريض يحتاج اي دواء مش متوفر....... او حتي اي عمليه ومش معاهم تمنها او اي حاجه تاتيه....... ياريت حضرتك تتصلي بيه علي طول ..........وانا ربنا يقدرني واوفرلهم اللي محتاجينه

نهي : ربنا يجعله في ميزان حسناتك......... ان شاء الله لو حد احتاج حاجه هكلم حضرتك

ونهي تاخد رقم شريف وتسجله .......وهو ياخد رقمها ويمشي بعد ما قدم على اجازه لريم

والساعه 12 وقفت عربيه قدم المستشفي........... ونزلت منها ودخلت وسالت علي مكان ريم......... وطلعت السلام بس قبل ما توصل تلقي حد بينادي عليها

سمر باستغراب : ميرنا

ميرنا تقف وتبص علي البينادي

ميرنا: انتي تعرفيني

سمر تروح لعندها : ايوه مش فكراني.......... انا سمر........ اتقابلنا في سهره مره عند انجي ......

ميرنا بابتسامه : اه سمر افتكرتك .... عمله ايه

سمر : الحمد الله......... انتي بتعملي ايه هنا

ميرنا : جايه اشوف واحده بتشتغل هنا...... وانتي بتعملي ايه

سمر : بشتغل هنا انا دكتوره صيدليه........ ومسكه صيدليه في الدور دا

ميرنا بخبث: ممتاز علي كده تعرفي دكتوره اسمها ريم

سمر بضيق : طبعا اعرفها ( وتبصلها بستغراب) اوعي تقولي ان دي الجيه ليها

ميرنا بابتسامه : شكلك مش بتحبيها زاي

سمر : واللي بطيقها .......بس انتي كمان شكلك بتكرهيها

ميرنا بضيق : اكتر مما تتصوري...... انا جايه افضاحه وابهدلها

سمر بخبث: لا دا احنا لازم نعقد و نتكلم ونخطط .........الفضيحه لازم يتخطط ليها........ لكن شويه كلام وزعيق مش هيأثر..........غير انها واخده اجازه ومجتش لسه واحد قريبها ........مقدملها اجازه مرضي لمدة اسبوع ..... ( وتمسك ايدها وتمشي بيها) احنا بقي خلال الاسبوع دا .........نتكون اتفقنا اظبطنا كل حاجه........ بس الاول لازم اعرف ........ هي عملت ليكي ايه....... وانا معايا اللي هيساعدنا ونفسه ينتقم منها اشد انتقام .........

والعصر في فيلا ابرهيم.......... تدخل ميرنا وتلقي ابرهيم موجود

ميرنا باستغراب : غيربه ايه اللى مقعدك في البيت مش عاويدك

ابرهيم بتريقه : لا الغريب انك انتي صاحيه بدري ......وخرجتي الصبح مش في اخر الليل

ميرنا: خرجت عشان انتقم......... و قريبا اوي هعرف اللي اسمها ريم .......ازاي تبص لحاجه في ايد ميرنا......... وهخلي عمر يرجع يبوس ايدي عشان ارجعلوا .... ويطلب اللي سماح

ابرهيم بخبث : ايوة كده انتي بنت ابوكي..... وانا كمان بعتله اللي هينتقم منهم........ هو وامه .......وهياخد منهم اللي هيوجعهم ويتعبهم........علشان يهعرفوا هو مين ابرهيم.... ويخافوا يقفوا قدامي....... (ويضحك بشر ).......كلها بكرا بكتير ..... دا لو ماكنش وصل فعلا

وفي فيلا عبد الحميد........ الباب الخارجي للفيلا...... خبط ورح عمر يفتح........ واول ما فتح انصدم وماقدرش يتكلم

تفتكره ابرهيم هينتقم ازاي ...........وميرنا وسمر هتكون ايه خطيتهم .......ومين اللي انصدم عمر لما شافه

نعرف دا كله الحلقه الجايه ان شاء الله