NAPALINGON ako kay Zandy na nagulat din na nakita ang mommy niya.
"Ayaw mo bang makita ako, 'nak? I miss you, my son." Nilapitan ni Tita Mandy si Zandy at hinalikan siya sa magkabilang pisngi. Hindi naman gumalaw si Zandy.
"Ano'ng kailangan mo, 'Ma? Hindi ba't nag-usap na tayo?" Halata ang inis sa boses at mukha niya.
Lumungkot naman ang mukha ni Tita Mandy at lumayo sa anak. "I'm not here to talk about it, Zandy I just here to visit you and Miles," ani Tita Mandy.
Hindi umimik si Zandy. Hindi ko maintindihan pero nakikita ko ang frustration sa mukha niya at ang lungkot doon.
"Kumusta po si Tito Andrew, Tita?" sabat ko para alisin ang tensyon kay Zandy at ilayo ang usapan ng dalawa. "Dito po tayo sa sofa," sabay sabi ko. Nauna na akong naglakad patungo sa sofa at sumunod ang dalawa.
