"Aw! Ang sweet naman ng mag-asawa. Dito pa talaga sa hallway naglandian," ani Ate Shai nang makalapit siya sa amin ni Zandy habang nakatingin sa amin na bakas ang kilig. "Maawa naman kayo sa mga single na dumadaan, naiinggit," natatawa pa nitong dagdag.
"Hello, Ate Shai," magiliw naman na bati ni Zandy. Kumunot lang ang noo ko dahil sa muling pagiging magiliw niya sa iba habang hindi ko maintindihan ang ugali niya sa akin.
"Hi, Mister Zandy," balik nito. "By the way, hinihintay na kayo sa studio A para sa photoshoot," pagbabago ni Ate Shai ng usapan.
Ngumiti ako na hindi makatingin ng diretso kay Ate Shai. Nahihiya ako. "Sige po, Ate Shai aalis na kami," sabi ko. Hinawakan ko ang braso ni Zandy at hinila siya patungo sa elevator. Pinindot ko iyon sa 10th floor kung nasaan ang studio ng
