HINDI KO alam pero bakit parang nadismaya ako nang hindi ko makita si Zandy sa labas ng opisina? Parang hinahanap ko siya roon o baka hindi lang ako sanay na walang Zandy na nang-aasar sa akin.
Bumuntong-hininga ako at bahagyang pumikit. Bakit ko ba iniisip si Zandy? Hindi ko na siya dapat pang isipin. Mas mabuti na nga ito na wala siya para asarin ako at ipaalala sa akin ang nakaraan ko.
"Oh? Hindi ka susunduin ng asawa mo?" tanong ni Ate Shai nang bumaling ito sa akin.
"I have my own car naman, Ate Shai kaya hindi na niya ako kailangan sunduin. And besides he's busy," dahilan ko, saka ngumiti kahit alam kong hindi iyon umabot sa tainga ko.
"Bakit? Are you looking for your husband, Miles?" makahulugan namang tanong ni Andrea.
"Of course not, Andrea kaya ko namang umuwi mag-isa. I've
