TINITIGAN ni Angelo si Zen na kanina pa naghihintay sa kanyang isasagot.. Tahimik itong nakaupo sa tapat niya, tila nag-aabang kung kailan siya magsasalita. Maiintindihan niya kung matatakot ito sa kanya dahil sa mga nangyari. Baka nga iniisip nito na isa siyang kriminal dahil galing siya sa presento kanina…
Huminga siya ng malalim.
"Zen…" mahina ngunit buo ang pagkakasambit niya sa pangalan nito.
"Yes?" tanong nito, may halong pag-aalala sa tono. Ang mala-anghel na mukha ni Zen ay hindi niya maiwasang hindi titigan ng mabuti. Ilang araw na rin nitong ginugulo ang kanyang isipan.
"Kung… Kung malaman mong masama akong tao," panimula niya habang dahan-dahang ibinaba ang baso sa mesa, "Tatanggapin mo pa rin ba ako sa bahay mo?"
Napatingin si Zen sa kanya, kita sa mukha ang pagkabigla sa
