Hindi inasahan ni Janet na magbubunga ang isang beses na pagniniig. Hindi niya inasahan na kalakip pala ng isang gabing pagkalimot ay isang responsibilidad na hindi pa siya handa.
Nang araw na malaman ito ni Janet mula sa doktor nila sa loob nang siya'y mahimatay habang kumakain ay hindi niya napigilang mapaiyak. Doon sa sulok ng kaniyang selda kung saan siya natutulog ay nakayukod at tahimik na lumuluha.
Buntis siya. Paano siya manganganak sa loob ng kulungan? Paano niyang palalakihin ang anak niya sa lugar na ito? Lugar kung saan pinakahuli mong nanaisin na palakihin ang anak mo. At paano ang ama nito? Alam ni Janet na namumuhi ngayon sa kaniya si Warren dahil sa maling akala kaya paano? Paano itong lalaki na walang ama? Siya? Paano niya ito palalakihin?
Noong una ay naging miserabl
