Third POV
"DAMIHAN mo ang siling berde Ferdie para mas masarap ang sabaw." Request ni Tinong sa kanyang pinsan na nagluluto ng sinigang na lapu lapu. Naubusan ito ng gaas sa bahay kaya dito sa bahay nya nakiluto ng ulam at nakisahog na rin sya.
"Oo insan, bubukuran ko lang si Lalay dahil alam mo naman yun. Ayaw ng maanghang."
"Sige insan, ako'y ihahanda na ang patis na may sili."
"Mabuti na lang wala tayong almoranas."
Sabay silang tumawang magpinsan sa sinabi nito. Pero sabay din silang natigilan ng makarinig ng katok sa pinto.
"Teka lang sandali." Malakas na sabi ni Tinong at hinawakan ang baston. Paika ika syang naglakad sa pinto at binuksan ito. Ganun na lang ang pagkamangha nya ng makita si Donya Silvina. Kasama nito ang isang kasambahay at driver.
"Donya Silvina, magandang
