Veronica POV
DINIIN ko ang hawak na penknife sa tagiliran ni Malou at mariin syang hinawakan sa braso. Napapitlag naman sya at tumingin sa kanyang tagiliran. Namilog ang kanyang mata sa nakita.
"Huwag kang maingay kundi itatarak ko ito sa tagiliran mo." Mahinang asik ko sa kanya.
Lumunok sya at nanginig habang nahihintakutang tumingin sa akin.
Ngumisi ako sa nakikitang takot sa kanyang mukha. Alam ko namang takot sya sa akin.
"M-Ma'am Veronica, a-ano pong kailangan nyo? W-Wala po akong pera ma'am." Nanginginig ang boses na sabi nya.
"Tanga! Hindi ko kailangan ng pera mo." Ang gaga napagkamalan pa akong hinoholdap sya. "Saan nagpunta si Mannox at si Cassandra?"
"U-Umalis po ba sila?"
Diniinan ko ang hawak sa braso nya na halos bumaon ang kuko ko. Ngumiwi naman sya.
"Huwag mo
