Cassandra POV
"MA'AM yung bell pepper nakalimutan nyo po."
"Ay oo nga pala." Binigay sa akin ni Ate Andeng ang bell pepper na nasa plato. Nakahiwa na ang mga ito ng pa-square at naprito na rin kanina. Nilagay ko na yun sa malaking kawali at hinalo.
Kalderatang baka ang niluluto ko. Dahil hindi naman ako masyadong maalam sa pagluluto nito ay nagpatulong ako sa mga kasambahay. Bukod kay Ate Malou ay masarap ding magluto si Ate Andeng. Kaya minsan sya na ang nagluluto at si Mayordoma Malou ay pautos utos na lang kung minsan.
"Pwede na bang ilagay ang cheese ate?" Tanong ko kay Ate Andeng.
"Ay oo ma'am, pwede nyo na pong ilagay yan. Pagkatapos po ng tatlong minuto ay pwede nyo ng patayin. Luto na po iyan."
Marahan akong tumango at dinampot ang mangkok na may lamang kinayod na cheese.
