MAAGANG pumasok si Delaney sa trabaho upang sorpresahin ang kaibigang si Danica. Siyempre, dahil na rin sa ayaw niyang ma-late. Balita ni Danica sa kaniya noon, mahigpit ang CEO pagdating sa trabaho.
Nagpunta muna siya sa restroom ng ground floor. Pagkuwan ay dumiretso sa elevator. Nagulat pa siya dahil bumungad sa kaniya ang hindi inaasahang tao—si Fabio Martin, ang CEO ng kompanyang Triple MZ Corporation.
"G-good morning, Sir Martin," bati niya at tumabi sa bandang kaliwa nito.
"Good morning, Miss Vergara."
Napaawang ang kaniyang mga labi sa naulinigan. Napalingon pa siya rito upang siguraduhing totoo ang kaniyang narinig. Nagkasalubong naman ang kanilang mga tingin sapagkat nakatingin din pala ito sa kaniya.
"Kilala n'yo po ako?" tanong niya. Umandar na ang elevator.
"Of course, I
