“HARRIS, tapos na bang ayusin ‘yong para sa sisimulan livelihood program sa Gonzaga, Cagayan Valley?” tanong ni Javier matapos niyang basahin ang isang bill proposed law.
“Ah Sir, inaayos na po ng Local Government Unit ng Gonzaga. Malapit na rin po matapos ang training ng mga Teachers na ipapadala natin doon para magturo.”
Matipid siyang ngumiti dito. “That’s good. Thank you.”
“Ah Sir, do you mind if I ask you something?”
Kumunot ang noo niya.
“Ano ‘yon?”
“Huwag n’yo po sana masamain, pero napapansin ko po kasi na iba ang pakikitungo ninyo kay Regina kumpara sa ibang staff ninyo. Kayo ang nagbayad ng utang ng pamilya nila tapos tinulungan n’yo pa siya sa kaso ng kapatid niya. Hindi naman po sa nakikialam ako,
