TRENTA Y KWATRO
AURORA MARASIGAN
DAHIL SA NANGYARI sa amin ni Trinity ay ilang araw din akong hindi nakapasok. Kahit ilang beses akong kinulit ni Aj at Eli ay hindi ko pa rin sila pinagbubuksan. Kahit si Tita Carina at Daddy ay tinatawagan ako pero hindi ko pa rin naman sila sinasagot.
Anong karapatan nila para magkaroon ng pakialam sa akin? Gayong noong kailangan ko sila ay wala akong mahagilap kahit isa sa kanila.
Araw ngayon ng lunes kaya maaga akong nagising at nag-ayos para sa pagpasok. Pero paglabas ko pa lang ng pinto ng unit ko ay nandoon na nakatayo si Aj kasama si Eli na mukhang antok na antok pa. “Tapos na ang hybernation mo?” bungad ni Aj na inikotan ko ng mata bago nilagpasan.
Hindi niya na ako tinanong pa basta nag drive thru na lang siya ng almusal naming tatlo da
