SINGKWENTA Y DOS
AURORA MARASIGAN
“NABABALIW ka na Antonio?” sigaw ni Tita Carina ng marinig ang sinabi ng asawa niya.
Habang ako ay naiwang nakatulala dito sa silid ko na kahit anong proseso ko ng mga sinabi ni Dad ay parang wala akong maintindihan. Ang hirap palang tanggapin na sa sarili mong ama manggagaling ang mga salitang ‘yun. Mga salitang animoy hindi tao ang anak ko kung patungkolan niya na gusto niya itong ipalaglag.
“As a father, that is my decision for my daughter. If you don’t like it, I don’t care.”
“Hindi ka man lang ba kinikilabutan sa mga sinasabi mo, Antonio? Apo mo ang batang ‘yun pero kung magsalita ka ay parang halimaw siya sa paningin mo na kung tutuusin ay ikaw ang siyang halimaw. Halimaw na hindi na kailanman magbabago,” ani ni Tita Carina na puno ng pagka
