Chapter Eighteen
PHILIP
MAAGA akong pumasok dahil gusto kong makausap si Job tungkol sa aming reporting.
Takte! Hindi pa ako handa at ngayon lang ako kinabahan ng ganito. Hindi naman kasi ako nagrereport dahil iaasa ko lahat sa lider.
Pagdating ko sa campus ay wala pang masyadong tao. Nag-aabang ako sa may Educ Park.
Trenta minutos akong naghintay doon ngunit wala pa rin siya.
Kaya nagmeryenda muna ako sa canteen ni Aling Bety.
"Aling Bety anong tindang ulam niyo mamaya?"
"Adobong atay ng manok, Adobong karne tapos mga gulay,"
"Sige po. Magmemeryenda na muna po ako,"
"Bakit mag-isa ka lang? Nasaan yung mga kaibigan mong pilosopo?"
"Late po ang mga iyon. Mga tulog mantika,"
"Eh ikaw bakit ang aga mo? Hindi ka naman pumapasok ng ganito kaaga. Aba nagbabago ka na talaga Philip,"
