احببتة ولاكن احب غيرى

الحلقة 9

"بسم الله الرحمن الرحيم "

" احببتة ولاكن احب غيرى "

" الحلقة التاسعة "

وقفنا عند نهى لما مكانتش عايزة تقابل العريس

الام :_ طيب روحى اعملى عصير وتعالى قدمهولهم

نهى بتأفأف :_ يوووة كمان عصير لا دة كدة كتير بجد

الام :_ معلش اعصرى ع نفسك لمونه المرادى

نهى :_ حاضر اما نشوف اخرتها

الام :_ انا خارجة وتعالى ورايا بل عصير بسرعة

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

نروح لبيت ياسمين ال كلهم فية كانو فرحانين وبيحضرو لحفل الخطوبة ماعدا ياسمين هى بس ال بتفكر ازاى تتخلص من الخطوبة دى

ادام بمرررح :_ ايييييه ياعرورة سرحانة ف اية ياقمر انت

ياسمين بضحك :_ ههههههه عرورة وقمر مرة وحدة لا دة كتير عليا والله

ادم بغرور :_ شان تعرفى بس يابنتى انى بدلعك بكرة تقولى فين دلعك دة يا ادام ام يس يشكمك

ياسمين بضحك :_ هههههههه يشكمنى كمان طاب غور ياض من قدامى لفتح نفوخك بلفاظة دى

ادام :_ انا مش هرد عليكى عشان انتى جموسة بس قصدى عرووسة هههههه

ياسمين :_ ياخفة يلا ياض من هناا

الام :_ مالكم بتناقرو ف بعض لية كدا

ياسمين :_ تعالى شوفى ياماما ادام بيقول عليا جموسة

الام بمرح :_ عيب يا ادام اختك مش جموسة بس دى بقرة كمان ههههه

ياسمين :_ الله الله انتو اتفقتو عليا بقى وبتهزقونى

ليقطع حديثهم صوت يسين الذى اتتى فجائة

يسين بمرح :_ ايييه مين مزعل خطبيتى القمرر وبيهزقهاا

ياسمين بصدمة :_ انت ايه الى جابك

الام بصرامة :_ بنت عيب ، فى حد يكلم خطيبة كده

يس بضحك غير مبالى لكلامها :_ عادى ياطنط دى بتهزر انا عارف هى

الام :_ معلش يابنى اوعى تزعل منها هى ديما هبلة ف كلامها كدة

يس بنفى :_ لا خالص مش زعلان

ياسمين بزهق :_ طيب انا داخلة اوضتى عشان الجو بداء يتقلب هنا وبقا يخنق

الام بحدة :_ انتى يابت تعالى هنا اقعدى مع يسين لحد مااعملة حاجة يشربها

يسين بنفى:_ لا لا شكرا ياطنط انا بس كنت جاى اخد ياسمين عشان نروح نشترى فستان الخطوبة،

عشان خلاص مبقاش فية وقت الخطوبة قربت

ياسمين بااعتراض :_ قولت مش هجيب فساتين عندى كتير

الام بزهق :_ انتى هبلة يابت ولا بتستعبطى

ازاى مش هتجيبى فستان وبعد بكرة شبكتك انتى عايزة الناس تاكل وشنا ولا ايه

ياسمين :_ يووووووووة حتى الفستان هتغصبو عليا اشترية ايه دا ياربى ، وتركتهم وذهبت الى غرفتهااا

يسين بهدوء :_ معلش ياطنط سبيها على راحتها،

استاذن انا عشان ورايا مشاوير كتير

الام بهدوء :_ اتفضل يابنى ...................

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

_ الو ايوة يانهى ازيك

نهى :_ ايه يابنتى مبتساليش ليه وبقالك فترة مش بتيجى الجامعة

ياسمين :_ معلش يانهى مشغولة شويا اليومين دول

نهى بمرح :_ ايوة ياست اللهم سهلو عروسة بقى

ياسمين بحزن :_ ونبى تسكتى انا فيا ال مكفينى

نهى :_ مالك ياقلبى بس المفرود تبقى فرحانة

ياسمين :_ افرح ازاى ولية بس منتى عارفة الى فيها

نهى :_ تفرحر عشان هتتخطبى وتبداءى حياة جديدة وانسى اللى فات وانسى انك مغصوبة علية حبية وخلية يحبك يايسمينا ،

اه ع فكرة انا كمان قررت اوافق ع العريس

ياسمين بصدمة :_ لاةةة يانهى اوووعى تعملى كده

نهى بستغراب :_ لية يابنتى

ياسمين :_ لانك مكونتش موافقة واكيد طنط ضغطط عليكى

نهى بنفى :_ لااا والله خالص هى ف الاول كانت كده بس لم قعدت معاه استريحتلة حسيتة شبهى كدا

ياسمين بترجى :_ لا يانهى اوعى توافقى ارجوكى

نهى بضحك :_ اييييه يسو مش عوزانى اتخطب زيك ولا ايه اشمعنا انتى يعنى

ياسمين :_ بس يانهى انا مش بهزر تعاليلى حالا انا عوزاكى ف موضوع مهم جدا

نهى بستفهام :_ موضوع ايييية ابت قولى

ياسمين :_ لا مش هينفع ف الفون تعالى وانا هحكيلك

نهى :_ اوك مسافة السكة وهجيلك باااى

ياسمين مستنياكى باى ............

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

_ لو سمحت يا انسة انا عايز فستان شيك لحفل خطوبة لعروسه عندها حوالى عشرين سنه

_ البائعة حاضر اتفضل معايا اوريك مجموعة تختار منها ، حضرتك عايزة لونة ايه

يسين :_ بصراحة مش عارف

البائعة هى دى كل الالوان ال تنفع للخطوبة واكتر لون ينفع دة الاوف وايت او الزهرى

يسين وهو يمسك بااحدى الفساتين :_

الفستان دة جميل ، خلاص انا هاخد دة .

البائعة ماشى ثوانى واحضرة لحضرتك

اتفضل الف مبروك

يس شكرا ..............

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

_اييييييييه انتى بتقولى ايه يايسمين

ياسمين بدموع :_ اللى سمعتية يانهى يس بيحبك انتى كان عايز يخطبك انتى

نهى مهدءة اياها :_ اسمعينى بس ياحببتى يس دة مايعرفنيش ولا عمره اتكلم معايا ازاى بس هيحبنى

ممكن يكون اعجاب عادى بس مستحيل يكون حب وبعدين لو حب مستيحل كان خطبك حتى لو مين وقف قصادة

ياسمين ببكاء :_ ياااسلام لا طبعا عمى محدش يقدر ي**ر كلمتة ابدا اذا كان هو او بابا

نهى بهدوء :_ ياحببتى اهدى حتى لو بيحبنى زى مابتقولى انا ياستى عمرى ماحبيتة وحتى لو اتقدم مكننش هوافق ،

اعتبرية اتقدم ورفضتة وبعدين اتقدمك ووافقتى

وبعدين الشاب بيحب ميييية مرة وبيتقدم لميييت وحدة ،

و ف الاخر بياخد وحدة تانية خالص بس بيحبها بجد واكييييد هييجى يوم ويحبك بجد

ياسمين باانهيار :_ انتى مش فهمانى يانهى

نهى :_ لا فهماكى انتى صحبتى ال محدش فاهمك غيرى انتى بتحبية بس مش عاوزة ترتبطى بية خايفة ليكون بيحبنى وحبة ليا يخليكى تبعدى عنى

بس انا بااكدلك ان ياسين عمرة ماحبنى ولا هيحبنى ممكن يكون كان واهم نفسة بكدة بس مش حب ودليل انو وافق ع خطوبتك مفيش راجل اى ان كان اهلة شداد بيتغصب ع حاجة وبذات لو جواز ،

طلعى الافكار دى من دماغك وانسى ياسو بقى وافرحى واتبسطى بخطوبتك ومتخليش حاجة تعكنن عليكى وانتى ياستى ف ايدك تخلية يعشقك دا اذاى ماكنش بيعشقك اصلا ...............

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

_ ايوة مييين جاية اهو ثوانى

الام ببتسامة :_ يسين اهلا يبنى اتفضل

يسين ببتسامة :_ ازيك ياطنط معلش جيت ف وقت مش مناسب

الام بعتراض :_ متقولش كدة يايس البيت بيتك اتفضل

ياسين :_ امال فين عمى وياسمين

الام :_ عمك خرج من شويا ،

وياسمين جوة مع صاحبتها نهى ثوانى هناديهالك

يسين :_ ماشى اتفضلى

الام :_ ياسمين تعالى يسين برة وعايزك

يايسمين :_ ايييييه ايه ال جابة دة دلوقت

الام بحدة :_ احترمى نفسك يابت واطلعى شوفيه

نهى :_ طاب يايسو انا همشى بقى وزى ماقولتلك

ياسمين :_ ماشى يانهى تعالى ام اخرجك

نهى :_ يلااا بينا ...............

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

احببتة ولاكن احب غيرى

اسراء جمال