RUSTY TABALANZA
Ano ang gagawin ko? Kakabigin ko ba siya sa batok at gaganti ako ng halik niya? Pero paano? Eh, hindi naman ako marunong humalik!
Gumalaw ka, gaga! Ilabas mo rin iyang dila mo. Makipag-espadahan ka! Hawakan mo sa batok! sigaw ng utak ko.
Ramdam na ramdam ko ang labi ni Krypton habang inaangkin niya naman ang labi ko. Bahagya niya pang kinagat ang pang-ibabang labi ko na para bang hinahamon ako. Nang kumilos ang kamay ni Krypton at dahan-dahang hinaplos ang braso ko, pakiramdaman ko ay milyon-milyong bultahe ang tumalay na kuryente sa katawan ko.
Kahit nakapikit ako at nalulunod sa kalandian ko ay conscious pa rin naman ako sa nangyayari. Binuka ko ang bibig ko. Handa na sana akong gayahin ang galaw ng labi ni Krypton nang siya naman ang umalis sa pagkakadagan sa akin.
