RUSTY TABALANZA SALAZAR
So far, naging maayos naman ang lagay namin ni Krypton dito sa isla kahit kami lang dalawa. Oo, aaminin ko, kanina ay naiilang ako, pero hindi na ngayon. Parang biglang naging okay na sa amin ang presensiya ng bawat isa.
Dahil nga malinis na ang villa pagdating namin, ang ginawa ko na lang ay nagluto. Si Krypton naman ang naglagay ng mga gamit namin sa kwarto. May limang kwarto ang villa kaya tig-isa kaming dalawa. Magkatabi lang naman ang kwarto namin.
Masaya naming pinalipas ang oras, at ngayon nga ay nandito kami sa tabing-dagat at nakaupo. Nakaharap kami sa bonfire na ginawa ni Krypton. Katatapos lang naming kumain pero heto at nagba-barbecue kami.
Itinapat ko ang kamay ko malapit sa apoy nang humangin. Nakasuot naman ako ng mahabang manggas, sadyang mal
