Wakas
NAKIPAGSIKSIKAN si Airin sa mga babaeng nandoon sa gym sa mga oras na iyon. Sinabi sa kanya ni Skye na nakita nito si Les na nakatambay sa university gym kaya naman dagli siyang nagpunta dito. Pero labis ang pagtataka niya nang makita ang napakaraming estudyante dito sa loob ng gym.
May ganap ba? Aakalain kasi ng mga makakakita na may concert na magaganap dahil sa dami ng estudyanteng nandito.
Baka nandito ang Super Junior! My God! Donghae! Oops. Si Les pala ang pinunta ko dito.
Nagpalingon-lingon si Airin para hanapin si Les pero hindi niya ito makita dahil sa sobrang dami ng tao. Idagdag pa ang height niya. Ni hindi na nga siya makausad dahil nahihirapan siyang makisiksik sa mga estudyanteng nagwawala.
"Ano bang mayro'n dito, Miss?" hindi niya napigilang tanong sa babaeng kata
