"Ang ganda naman dito Drake," manghang sabi ni Deveraux habang inililinga ang paningin.
Napangiti lang si Drake. Dinala nya kasi si Deveraux sa isang lugar kung saan lagi din syang nagpupunta noon kapag malungkot sya, the hanging bridge ang itinatawag dito sa pasyalan na ito dahil ang tulay na mahaba ang syang nagsisilbing atraksyon sa mga tao na nagpupunta dito. Naglalakad sila ngayon sa mahabang tulay at hindi man lang nya nakitaan ng takot si Deveraux kahit medyo nakakalula ang tinatapakan nila, tubig ang ilalim kapag nalaglag ka at kapag naman narating mo ang dulo ng tulay ay mayroong mga puno at ilog, sariwa ang hangin at tahimik ang paligid. Dito sya madalas magpunta noon kapag kailangan nyang mag-isip. Dito ay walang mang-iistorbo sa kanya at hindi magulo, nakakarelax pa ang paligi
