"Papasok ka na Dev?"
Kasalukuyang inaayos ni Deveraux ang mga gamit nya nang bumungad sa harap ng bahay nila si Shane. Hindi sila nagkita kahapon ng bestfriend nya dahil lumuwas ito sa probinsya. May inasikaso daw ito doon kasama ang kapatid nitong si Jack. Sayang, kung kailan wala syang pasok ay saka naman nataon na umalis ito.
"Oo papasok na ako, ang daya mo kasi bakit kahapon ka pa lumuwas?" wari ay nagtatampong aniya rito.
"Tch. Oo nga eh! No choice ako Dev dahil kahapon talaga kami pinaluluwas ng nanay ko para puntahahan yung sinasabi nyang kausap daw nya na tao para sa lupang bibilhin nya,"
"Kamusta naman ang naging pagpunta nyo doon?"
"Maayos naman ang naging usapan, halika na sasabay na 'ko sayo dyan sa labasan," ani Shane sa kanya at hinintay sya nitong maiayos ang mga gamit
