متمردة عشقت مجنونآ

عقدة الصغر

ورا مااجة ابو امير .البيت كلة ت توتر وعم الصمت اذا ذبيت ابرة تنسمع..

اجتي فاطمة وكلتلي...

دير بالج طلعين.. واذا طلعتي ..لاتنسين حجابج..

هالي:شكو ..هو ..شو الكل تتراجف..شسامعين..

فاطمة:حقج متعرفين..منو سيد حيدر..

هالي:منو سيد حيدر...

سمعت صوت صياح ..

فاااطمة ..

رح اروح يمة مثل موصيتج..

لاطلعين..

سمعتة يكول وين اكرم..

فاطمة:حجي.. كال يومين وارجع..

سيد حيدر:تعاي فاطمة كليلي هاي البنية ..حجالي عليهة اكرم.. شنو كاعدة هي وامير.. وامير شو كاعد ومسبط الهة..صار سنتين مشفتة يضحك هيج..

حجية فاطمة:اي والله حجي.. والاكل مثل منحطة مثل مرجعة..تعبنا ويا وحجي اكرم هم.. وكال هاي البنية رح صير مرتة لاامير..

سيد حيدر:زين صاير يقرر اكرم باشا..

شنو هيتة..واني وين رحت..

بس والله شكلهة كادرة ..

حجية فاطمة:والله ياحجي..شو من جتي وامير عيالك رجع لون وجهة..ويطلع ويطب..

سيد حيدر:بس هي محرمة علي.. مو لافة الخاولي..وكاعدة تتمضحك ويا..

فاطمة: اي صح حجي..

بس والله البنية ع نياتها وحسب معرفت من الحجي بت ناس.. وصاير انفجار.. وشايلهم.. وهي طلعت..

صيحيهة للبنية خ تجي..

فاطمة : حجي ليش متنتظر حجي اكرم..هو يفهمك..

سيد حيدر:واظل اني انتظر حضرة جنابة لحد..ميجي ويفهمني.. جيبيهة خل افتهم..

فاطمة:خل اخابر حجي اكرم واكلة..

الو..الو..حجي اكرم الحجي اجة وكالب الدنيا ويريد البنية شسوي..

حجي اكرم: لهي الحجي بين مااجي..

وكليلة البنية ترة خايفة ومصدومة هسة تجي..

بهالاثناء اجة اكرم واسمع صياح ...كل شوي يعلى وينصة..

سمعت دكت الباب..

جااني امير.. كالي بقيني يمج..

هالي: امير شبيك..

ابوووية كالب الدنيا ..اكيد عرف..

هالي: ويعرف..

امير:لج ابوية اذا سويت شي ي**رني ت**ر متعرفي..

هالي: امير..ممعقولة ..شبيك امير.

رجال شكبرك..شكدك.. تخاف ..

سمع صوتة.. فات للغرفة..

تذكرت اخوية والي سوا.. وبدل مايتعاقب.. حملوني غلطتة اني..

فاطمة جتي صاحتني..

كالتلي ..الحجي يريدج..

كتلهة جاية..

وين حطي شي ع راسج..

هالي: يومين كعدت بالبيت حسيت اطبعت طبايعهم..

ولا.. الخوف المو طبيعي..والله خفت.. من الحجي..

بس ع خوفتهم..

فتت..دا اسد الباب ..كالي بقي مفتوح وتعاي كعدي..

كعدت واني خايفة من صوتة ..يمة حقة أمير يخاف..

السلام عليكم..

وعليكم السلام بابا كعدي..

اطمنت دام كلي بابا..

بابا انتي شون تحجين.ويا ولد متعرفي..

نفس محاضرة حجي اكرم..

بس شوي العيار زايد..

هالي: حجي اني دكيت ع بنت عمتي.. ابتليت بالغلط طلعلي امير..وحجاية منا حجاية مني كام يدكلي ويكلي اريد احجي وياج..وكل حجينا جان حجي عادي..لاحب ولاشي.. لحد موكعت بسبب اخوية بمشكلة وهو كلي اساعدك..وخلصني منة راح الولد ازوج واخلصت وشلتة جميل الة لان ساعدني..

من ردت انسحب.. جرني هو وابن عمة مدري ابن عمتة وكعد يتوعدلي..والباقي حجي اكرم يعرفة..

سيد حيدر:يعني امير.. عرض عليج المساعدة..

هالي :اي حجي..شفت وجهة ابتسم .واستغفر ...وكال لااله الا الله..

صيح اخوك المصخم...

هالي: حجي اذا على سوا بية وتريد تحاسبة ..اني مسامحتة لاامير..

مشفتةشون خايف.. لمن سمع صوتك..

سيد حيدر:مين تعرفين.. هو خايف مين تعرفين..

هالي:رديت..يمكن بيني وبينة كم تلفون بس عرفته اكثر منكم..

سيد حيدر: رجع استغفر وتحمد رب العالمين.. بابا انتي جكد عمرج..

عمري ٢٠..

تعرفين بوضع ابني..

هالي: اعرف..

باجر عكبة تلوميني.. لو تتحسبين علية..

لاحجي.. اني عد كلمتي..

ومثل ماحلل الله الزواج حلل الطلاك..

بس هيج رح ت**رين ابني..

اذا عفتي..

هالي:اني مااعوفة طول ماهو محتاجني.. رح اكون ويا..

سيد حيدر:بابا فكري .. مو بس عمودج ..عمود ابني.. ان**ر مرة ميتحمل..

حجي اني عد كلمتي..

وبعدين ماعندي مكان اروحلة.. اهلي معتبريني ميتة.. ولاعندي احد ..استند عليه..

اعتبرني ممرضة الة..

اذا طلعتني من بيتكم راح اصفى بالشارع..

مااكدر ارجع لااهلي يكتلوني..

سيد حيدر:اني ارجعج باايدي..مااخلي احد يدوسلج ع طرف..

حجي انت متعرف اهلي..

حجي اكرم:يابة البنية راضية ليش تلح عليهة..

ومقتنعة.. وهي وامير رايدين بعض..

هالي:صح حجيت..بس داخلي خايفة من هالخطوة خايفة اندم.. خايفة صدك مثل مكال الحجي تنسحبين وت**رين باابني..

بس ليش انسحب.. اني هنا هاي الحياة الي اتمناها فلوس وعز وخدم..

وفوكاهة امير يرتاحلي ويحبني..

يعني كل شي تحت تصرفي..

اني ست هذا البيت..

وامير المدلل..

اكيد رح يتعالج.. وكل حياتي تنضبط اودع الفقر واودع علي وهوستة وابدي حياتي الي حلمت بيهة..

يمكن الاحلام مو مثل الحقيقة..مرت ايام حجي اكرم وسيد حيدر فرحانين كلش..بية

واحلامي اوامر مثل ميكولون..

كلهة ايام ويصير امير زوجي..

التجهيزات والهوسة مشفت امير من ذاك اليوم فات غرفتي.

ومن رجعت ملكيتة..

طبعا..انطيتهم خبر محد الة علاقة بااامير غيري..

ومنعتهم يحطولة الحب بالاكل..

بيوم العرس..جانت الحفلة حلوة ..يمكن مو مثل مااتمنيتهة بس مو مشكلة وراها بااسبوع طلعنا للشمال.. بس ليلة العرس دخلت اني للغرفة لكيتة واكف ع المغسلة وكاعد يغسل ايدة بشكل هستيري..

امير شكاعد سوي..

دا انظف.. ايدي..هواي ناس لزمو ايدي... توسخت هواي..

جر ايدي وكعد يغسل بيهة انتي هم نظفيها لاايدج .. اكيد توسخت..

امير ...كافي..باوع جرحت ايدك..

تعال..

نظيفة والله..

تعال..

جانت ايدة ترجف.. وعيونة تفتر..

امير.. باوعني..

شو شايفني..

امير : مشايف..شي..

اروح اغسل..

هالي :امير..مشايفني حلوة اليوم..

امير:اي ..حلوة ..حلوة ..خليني اروح ..هالي..

هالي:اغسلك اني...

يمكن هاي دروس تعلمتها من كم فلم..

امير:لا عيب متستحين ..شون تفوتين وياي للحمام..

هالي:ضحكت..

امير ..اني زوجتك..

حتة لو عيب.. وحرام ميصير..

اميييير...

عوفييييني..

لاتلزميني..انتي تريديني اتوسخ ..مااكدر هالي.. مااكدر..

لحظات اشوفة كانو هو في صراع مع نفسة..

لزمتة باايدي اثنينهم دفعني قوي.. ودخل.. مااكدر ..مااكدر ..ازوج..

وراهة خابرت اكرم واجة ويا اثنين ولد.. حاسبو الفندق لمينا غراضنا وطلعنا..

امير ضربو ابرة مهدئة...

والدكتور كال جكد صاير عايف علاجة..

سكتت فاطمة لان اني كتلهة..

زهراء صارلة ١٠ ايام..

هالي..

اني انطي دوا يومية وهو يكلي يشربة ..

اكرم؛ وانتي بكيفج تقررين بكيفج ..تفكرين باعي سويتي بي..

هذا اذا عاف دوا يوم يومين يتخبل..

لزمني من ايدي قوي ..مرة لخ لاتقررين من كيفج..

احنة مو منفتهم..

عمود نسوي هيج..

بس هو...

حجي اكرم:لاهو ولاهي.. كتلج امير مسووليتج داري مو دمري..

عفتهم وطلعت للحديقة عود اني عروسة ..الله يسلمني..

بجيت بجي.. عمري كلة ماباجيتة مجنت اعرف امير يشمر دوا ميشربة..

كل بالي لان يحبني يسوي الشي الي اريدة..

الظاهر كلام سيد حيدر جان صح..

مرض امير مو فد شي سهل..

مرت كم يوم ع زواجنا..

اكرم وصى زهراء تسوي الي جانت تسوي كل يوم..

تحط الدوا حتى بمية..تحلة بمي..وبسرنجة تدفعة ببطالة المي..

هيج تضمن ياخذ دوا حتة لو مو كامل بس بالقليل..

يامن البطل ممفتوح يشربة..

وياخذ جرعة الدوا..

واني بعدت عنة.. يمكن دخلت بكاابة..

ولجات للنوم..بعدين صحيت من نومي لكيت زهراء سوي كل شي..صح امير مو منتبه الهة ..بس اني اخذت وعد ولازم انفذة وهو هم سال عني هواي.. بس زهراءمجانت تكلي جانت تكول حجي اكرم: يكول لاتتقرب لاامير هاي الفترة...

ولاامير تكلة.. متقبل تجي.. تخاف من يوم جيتو من الفندق..

هااا..امير شلونك..

هالي ..وينج..شو ..ماكو . جنت مريضة وخفت عليك لاتنعدي يمكن اخذت برد..

باوعت لزهراء وكتلها حسابج بعدين..

هالي:امير..انت ليش جنت جذب علية..

امير:بشنو..جذبت عليج..

هالي: الدوا الي جنت انطيكيا..وينة..

ليش مجنت تشربة..

امير: مااريد اظل متخدر..

هالي لعد احسن ظل هيج....

امير:كوليها عاجز مو..

هالي:امييير..

اي ..اني عاجز اكون زوجج..وانتي تدرين.. وقبلتي..بس ليش قبلتي هالي..

ليش قبلتي تزوجين واحد عاجز..رح ظلين اله ممرضة..طول العمر..

بس انتي بزواجج مني ماريحتيني..

زدتي همومي..واحساسي بالعجز.. لاعبالج مو حاس.. اني حاس بروحي وحاس بيهم..

وحاس الي بداخلج شنو..

بس اني عاجز اكون الج زوج..او اكون انسان سليم لااهلي هذا قدري ورح اموت واعيش بي.. لاتعبين نفسج وتمثلين دور المظلومة انت تعرفين شتريدين..اخذي واستمتعي ..وانسيني.. احسن الج.. مثل منسوني اهلي وخدروني بالدوا...

سامعين المثل الي يقول خذ الحكمة من افواه المجانين.. حجي امير اكبر تطبيق لهذا المثل كثير من الباحثين صنفوا المرضى النفسين انهم اصحاب عقول نيرة ذكائهم لايستوعب حماقة الناس وسذاجتهم لهذا لانتفاخر بعقولنا ونستصغر عقول المرضى بداخلنا اكو ايعاز يسمو انكار الحقيقة او تقبل الخطا لهذا مستمرين بالعيش وتقبل اخطاءنا.. وهذا مموجود عد هواي مرضى نفسين النقاء بداخلهم يرفض الدهاء في قلوب الاخرين...

للقصة بقية..

????