THADDEUS POINT OF VIEW
Paglabas namin ng ospital ni Aldrin, agad kaming sumakay sa isang taxi papuntang bus terminal na biyahe pa-Maynila. Tahimik kaming dalawa habang binabaybay ng sasakyan ang kalsada. Sa bawat pag-ikot ng gulong, mas lalo akong kinabahan sa magiging resulta ng pagharap ko sa mga Del Fierro—ang pamilyang maaaring totoo kong pinagmulan.
Kinakabahan man ako, hindi na iyon ang mahalaga. Ang tanging laman ng isip ko ngayon ay ang kaligtasan ni Tatay—ang lalaking nagpalaki at nagmahal sa akin kahit hindi kami magkadugo. Gagawin ko ang lahat para sa kanya. Kahit harapin ko pa ang hindi ko kilalang mundo.
“Sigurado ka na ba sa desisyon mo, Thaddeus?” seryosong tanong ni Aldrin habang nakatingin sa akin. Kita sa mga mata niya ang pag-aalala.
Tumingin ako sa kanya at bahagya
