NAGTAKA ang mga kasambahay sa naging suot ni Liv. Pero hindi nagpaliwanag si Rafe. Maayos at on time silang nakarating sa school ni Scarlett.
Niyakap siya ni Therese sa tuwa nang makita. Masaya rin ito sa nakitang improvement sa kanilang mag-anak. Ito ang nag-encourage sa kanila na sumali nang sumali sa mga games.
Buhay na buhay ang Team Violet. Nanguna sila. Noon lang niya nakita na ganoon kaganda ang ngiti ang anak kaya naman ginawa ni Liv ang lahat para lalo pa sila na maging magaling. Enjoy na enjoy sila.
Si Rafe at Liv ang nagdala ng Team Violet kaya naisip ng parents na kabilang sa team nila na sila ang gawin na representative sa final round. Isang pares ng parent lamang ang kasali bawat team.
Naging pula ang mukha ni Liv nang marinig ang mechanics ng huling laro. Kai
