"HONEY, wait! Let me help you!"
Napakurap si Gella nang maagap siyang alalayan ni Kelvin at isandal sa unan nang akmang babangon siya. "Kelvin, hindi mo naman ako kailangan bantayan bawat minuto. At saka hindi ba dapat nasa trabaho ka na?"
Umiling ito. "Nag-leave muna ko sa opisina. Pagkatapos ng nangyari sa 'yo kahapon, sa tingin mo ba, magagawa kitang iwan?"
Natahimik siya. Kahapon ay dinugo siya. Sabi ng kaibigan at ob-gyn niya na si Crissy, marahil ay dala raw iyon ng pagod. Isa pa, maselan daw ang pagbubuntis niya dahil mahina ang kapit ng bata sa kanyang sinapupunan kaya ibayong pag-iingat ang kailangan niyang gawin.
Umupo si Kelvin sa tabi niya. "Honey, walang masamang mangyayari sa baby natin. I'll protect both of you."
Malungkot na ngumiti siya. "Inasahan ko naman na magiging
