NANG sumunod na araw ay nagsabi ang matanda kay Aya na pupunta ito ng ibang bansa at mawawala ito ng ilang linggo. Noong una ay nabigla siya dahil sa isiping maiiwan siya sa mansiyon kasama ang antipatikong si Elijah. Hindi niya maatim na silang dalawa lamang ang matira roon kahit pa may mga kasambahay naman. Subalit mabilis din iyong nawala nang sabihin nitong isasama naman daw siya nito. Nakahinga siya ng maluwag. Natutuwa siya dahil ilang araw siyang makakatakas sa anino ni Elijah at hindi dahil sa makakapunta siya sa ibang bansa. Kaya naman naghanda na siya para sa kanilang pag-alis. Sa makalawa na kasi ang alis nila.
“BUT Dad ---“
Naputol ang sasabihin ni Elijah nang sumingit ang ama. “I told you son, mabait si Aya. Why don’t you give her a chance to prove herself? Isa pa, wala siya
