ليني الهّوىٰ من تروح وين ألگِاه ؟
بدونك نفسـٰي ضيگِ والأرض خنگهّ !
أسيد حضن ذهب ونام بس ذهب ماكدرت تنام صبح الصبح وهيه كاعده الف فكره براسه. شنو الي خله أسيد هيج يتغير خاصه هو اخر فتره جان إنسان لا يطاق
ومن جهه فرحت لان هاي اول مره اكو احد يدافع عنه. وتحسه سند اله.
حست على أسيد صحه سوت نفسه نايمه.
هو كعد بدل وغسل ونزل جوه جان كاعد بالحديقه يسولف ويه محمد
وراها نرجس حضرت الريوك. وذهب نزلت ساعدته.
امهم سالت عم احمد كاله محمد.
انو صلاح متعارك رضاربينه وخابرو على احمد راح
طبعا امهم حيل أتحب صلاح. تخبلت واشكال الدعواي دعت بس أسيد لاحظ انو. مو بس ذهب الي مكيفه بسالفه. كتلت صلاح
لا حتى محمد ونرجس يوزعون ابتسامات.
طبعا امهم لبست عبايته وطلعت راحت لبيت اخوهه.
بعد ماكملو ريوك. كعدو يسولفون فمحمد كال الاسيد
- ابو النسب عندي موضوع وياك
- خير حمودي كول
- والله اني حاجي
