مشكِلة الـ رسمّني يدري موضّوعي ..
وأنهّ أضحك ، رسمني إموّگع دموعي !
أسيد
جنت احجي ويه ذهب ومندمج ماعرف هل ف*جه الي بداخلي شنو سببه معقوله هيج فرحان لان ذهب طلعت طبيه
بس هل شي معناته لهنا وتخلص سالفتي ويه ذهب
جنت بدوامه مابين فرح وحزن خوف وقلق واصلا شعور ماعرف شسمي
باوعت بالصدفة لكيت علي صافن عليه
احس روحي طلعت اختنك
ابتعدت عنه وماعرف ليش هيج رزلت ذهب وبهذلت أحواله وسديت التليفون رغم هيه جانت فرحانه بمعدله وتكلي انته اول شخص اكله بمعدلي
مرت الأيام ومثل عادتي جنت كاعد والدنيا طالعه من عيني
يعني كل ماكول اي ضحكتلي الدنيا وهل مره ماكو خيانه راح أعيش. مرتاح
ارجع للصفر من جديد.
جانت الدنيا مغرب كلشي ماكدامي غير الصحراء كاعد ادخن وحدي
علي نزل لاهله من سبوع
رن تليفوني هاي امي رديت
- الو
- هله يمه أسيد شلونك
- الحمد لله حجيه انتي شلونج
- يمه دخابر دسال. كول اهل
