CHAPTER 18
KISSES
Kipkip ang lahat ng dokumento na iniabot ni Mister Valdez kay Kisses ay ngumiti ang dalaga. “Salamat po, Mister Valdez. Iaabot ko na lang ho ito kay Sir Eco.” aniya sa lalaki.
Ang mga dokumento ay records ng lahat ng assessments ng mga lumabas na pasyente na nabigyan ng tulong at wala ng binayaran sa ospital. Naroon ang record niya at una sa talaan. That moment, she’s not feeling so down anymore. She’s happy. Walang bahid ng kritisismo ang pagtulong ng isang de la Cueva sa mga tulad niya kaya wala siyang dapat na ikapanliit.
“Sige, Kisses. Salamat din. Pakisabi kay Mister de la Cueva na maraming salamat. Hindi lang kamo siya pogi, sobrang bait pa.”
Naku. Lalaki lalo ang ulo ng bakulaw na ‘yon kapag sinabi niya na pogi. Lagpas batok na naman ang ngiso no’n sigurado.
