"Siguro ay nagtataka ka kung bakit maliit na apartment lang ang mayroon ako kahit na Mayor ang tatay ko." Panimula niya. Siya ang bumasag sa katahimikan sa pagitan naming dalawa. "Actually, may niregalo siya sa aking Condo, hindi ko lang madalas pinupuntahan kaya minsan wala talagang gumagamit non. Puwede kong ipahiram sa 'yo 'yon kung gusto mo." Alok niya sa akin.
"No, thanks," nauutal kong tugon. Grabe pala itong si Kuya napaka-generous niya namang tao. Pati Condo ipapahiram sa babaeng katulad ko na napulot niya lang sa kalsada.
"Ito muna ang suotin mo," Inabot niya sa akin ang isang malaking T-shirt at boxer shorts niya. "Pasensya ka na, wala akong ibang damit na kakasya sa 'yo, lahat ng damit ko ay puro oversized. Hindi kasi ako nagsusuot ng sakto lang, mas gusto ko 'yong maluluwag
