Nagising ako dahil sa ingay na nagmumula sa pamilya ni Luke. Si Liam, umiiyak habang pinatatahan ni Lira. Si Tita Leona ay nagluluto sa kusina ng makakain namin ngayong umaga. Si Luke ay balot pa rin ng kaniyang kumot, halatang puyat siya dahil sa ginawang school works niya pagkatapos patulugin si Liam kagabi.
“Mom kailan ba tayo uuwi? Hindi ko na kaya dito sa apartment ni Kuya Luke!”
“Lira, tumahimik ka baka marinig ka ng Kuya mo.”
“Ayoko dito sa apartment, Ma! Bumalik na tayo sa Hacienda.”
“Hindi na tayo babalik doon. Hindi na tayo mahal ng Tatay niyo. Parang hindi mo naman alam ang sitwasyon. Mas gusto mo bang sumama sa kaniya kaysa sa amin?”
“Siyempre mas gusto ko kayong kasama. Pero Mom, paano na ang allowances ko? Nabawasan na nga, mas lalo pang nawala. Siguradong kukutyain
