"Cheers!" Ako lang ata ang masaya dahil maayos na ulit ang lahat. Blanko pa rin ang ekspresyon ni Adam. Isang beses lang siya nagpakita sa akin ng emosyon, iyon ay noong humingi siya sa akin ng tawad. Kaya naman alam kong sincere siya noon. Mabilis ding nawala ang galit ko sa kaniya, nag-inarte lang siguro talaga ako kaya hindi ko siya pinansin pa ng ilang saglit pero heto naman kami ngayon, ayos na.
"Cheers,” aniya.
Sabay naming ininom ang inumin namin. Tubig ang kaniya, juice ang akin. Pareho kaming hindi umiinom ng alak kaya naman nanghihinayang ako dito sa mga expensive wine na nakadisplay lang. May ilang kilalang alak din akong namataan tulad ng, Tequila Ley, 925, Henri IV Dudognon Heritage Cognac Grande Champagne, Diva Vodka, Dalmore 62, Pendfold Ampoule, The Winston Cocktail and
