3RD PERSON POV
ILANG araw pa ang lumipas at nanatili pa ring nasa ospital ang walang malay na si Heiley.
Wala namang sawa sa pagbisita dito ang mga kaibigan nito para alamin ang kanyang kalagayan.
"Mauuna na po kami, Ma'am," pagpapaalam pa nina Ferni at Dennie kay Mrs. Razon na ngayon ay nagbabantay kay Heiley sa ospital.
Dumaan lamang dito sa ospital ang dalawang crew ng Cafe pagkatapos ng trabaho. Hapon na rin naman at nadalhan na nila ng bulaklak at na-kumusta ang kalagayan ng kanilang boss kaya nagpasya na ang dalawa na umuwi.
"Salamat sa inyo," saad ni Mrs. Razon at saka bahagyang binigyan pa ang mga ito ng isang tipid na ngiti.
Nang makaalis ang mga bisita ay malungkot na napasilay pabalik si Mrs. Razon sa anak nitong nakaratay sa hospital bed. Base naman sa doktor ay maayos n
