LESSON 24
“School Trip”
KAILANGANG matulog ng maaga ni Abby dahil mamayang ala-singko ng umaga ang biyahe nila papuntang Manila ngunit hindi niya magawang ipikit ang mata. Binabalik-balikan niya iyong text message ng killer. Nababahala siya dahil mukhang tuluyan na itong nagalit sa kanya. Nababahala siya na baka isang araw ay makaharap niya ito at patayin siya. Pero ano naman ang magagawa niya? Hindi niya pwedeng pabayaan si Elise.
“Matulog ka na, Abby…” aniya sa kanyang sarili.
Ipinikit niya ang kanyang mata. Umayos siya ng higa upang maging kumportable. Ilang sandali pa ay tuluyan na siyang nakatulog…
-----***-----
“ABBY!” Nagulat siya nang may biglang humila sa isa niyang kamay. Isang malamig na kamay na hindi niya alam kung kanino.
Sa gulat ni Abby ay napabangon na lang siya at
