Hindi alam ni Valentina kung magagawa niya bang makausap si Aaron dahil hindi niya makalimutan ang sinabi sa kanya nito kagabi. Umamin sa kanya ang binata na may gusto ito sa kanya. Na may paghanga sa kanya si Aaron. Hindi niya iyon inaasahan kaya naman gulat na gulat siya. Naisip niya na tama ang sinabi ni Gwyneth sa kaniya na baka nga nahulog kaagad sa kanya si Aaron sa unang beses na nagkita sila. Dahil nang magkita sila unang pagkakataon, nakatitig lamang sa kanya si Aaron na para bang gulat na gulat ito. At nakikita sa mata nito ang pagkabighani sa ganda niya.
"Hoy, ano na? Bakit nakatulala ka lang diyan?" sabi ni Gwyneth nang mapansin hindi gumagalaw si Valentina.
Bumalik naman ang ulirat ni Valentina. "H- Ha? Ahm... hindi ko lang nakalimutan iyong sinabi sa akin señorito Aaron kag
