"Aaron... puwede ba tayong mag- usap ngayon?"
Kumunot ang noo ni Aaron. "Palagi naman tayong puwedeng mag- usap. Bakit? May sasabihin ka bang mahalagang bagay? Tungkol saan?"
Nanginginig ang kalamnan ni Valentina dahil hindi niya alam kung magagawa niyang sabihin kay Aaron ang katagang magiging sanhi ng pagdurog ng kaniyang puso. Ngunit kailangan niyang gawin iyon hangga't maaga pa para hindi na lalo lang masaktan si Aaron.
Naguguluhang nakatingin si Aaron kay Valentina dahil nakayuko lang ang dalaga at pinaglalaruan ang sariling palad. Kinabahan bigla si Aaron sa ginagawa ng dalaga na para bang may gusto itong sabihin sa kaniya na hindi niya agad masabi.
"Valentina... ano ang gusto mong sabihin sa akin? Sabihin mo na... bakit parang nag- aalangan kang sabihin sa akin? Tungkol ba ito
