Chapter 20
Paulit-ulit na napamura si Evander nang sabihin ng isang nurse na nadischarge na si Liel kagabi pa. Masama ang kutob niya kagabi pero iniwan niya pa rin ito! Naglakad siya pabalik sa kanyang sasakyan at pinaharurot iyon patungo sa address ng apartment ni Liel pero pagdating niya roon ay wala ng tao. Nagtanong-tanong siya. Tuluyan na siyang nanlumo nang sabihin ng isang matandang babae sa kanya na umalis na ito sa apartment na iyon kagabi kasama nito ang isang lalaki. Wala siyang magawa kundi ang puntahan nalang muna si Ali. Paulit-ulit kasi itong humingi ng tawad sa kanya kagabi at gusto sana nitong bisitahin si Liel ngayon para makahingi rito ng tawad ng personal.
Pagdating niya sa bahay ni Leon, nakita niya ang isang itim na Lamborghini na nakaparada sa loob ng nakabukas na
