"Good morning, Sir Niccolo!" bati ni Callie kay Niccolo. All out ang kanyang ngiti. Hindi tumugon si Niccolo. Derederetso lang ito hanggang sa makapasok sa opisina nito. Napakunot ang kanyang noo ngunit sinundan niya lang ito.
"Buti naman nakapasok na kayo, Sir. Na-miss namin kayong lahat dito," dugtong pa ni Callie. Wala pa ring imik si Niccolo. Tiningnan ni Callie ang kanyang kwaderno. "Sir, may meeting po kayo kay Mr. Chua mamayang 9:30 am. Tapos kay Mr. Gonzales mamayang 2 pm."
"I-cancel mo lahat," flat na tugon ni Niccolo at saka umupo sa swivel chair. Kaagad nitong hinarap ang computer. Seryosong seryoso ang mukha nito.
"Po?" hindi makapaniwalang wika ni Callie. Baka na-misheard niya langang kanyang boss.
"Bingi ka ba? Ang sabi ko, i-cancel mo ang lahat ng meeting ko ngayong ara
