Bago pa maging malalim ang gabi ay nagpasya nang umuwi si Giordano at Gucci, sa kanilang paglalakad pauwi ay naging kapansin-pansin ang pananahimik ni Gucci na tila may malalim pa rin itong iniisip. Napansin iyon ni Giordano kaya malambing niya itong inakbayan na hindi pinansin at binalewala lang ng dalaga. Nakakainom silang pareho ng alak, pero hindi ibig sabihin noon ay lasing silang dalawa at lango na dito. Kaya pa nilang maglakad, tuwid pa silang humakbang at hindi pa gigiwang-giwang sa daanan na kagaya ng iba.
“Mahal, may problema ka ba?” malambing na tanong ni Giordano na sinabayan pa ang maliit na mga hakbang ng nobya, napansin niya na ang pananahimik ng dalaga habang naglalakad sila pauwi ng bahay sa tulong ng liwanag ng buwan. Hindi na kailangan pang gumamit ng flashligh o anu
