احببت مصارع

نوووور

في فيلا كبيرة .......

مني دادة نجاه ...يا دادة ...

نجاه أيوة يا ست مني خير ....

مني يوسف جيه امبارح مش كدة ...

نجاه أيوة يا هانم ..يوسف باشا جيه امبارح بس متأخر شوية ...

مني بحسرة عادي وايه الجديد ...

ماشي يا نجاه حضري انت الفطاارر......

وطلعت مني أوضة بنتها مريم علشان تصحيهاااا....

مني دخلت اوضتها .....

مني اي ده صباح الخير ..انا افتكرتك لسه نايمة

مريم لا ماما صاحية من بدري ..اصل عندي امتحان النهاردة ادعيلي يا منموووون

مني يا حبيبتي ربنا يوفقك يارب كدة ..انت واخوكي

مريم بفهم اممم هو يوسف برضو رجع امبارح متاخر ولا اي يا ماما

مني ياريته رجع بس متأخر ...اخوكي كل يوم حالة بيسووء عن الاول انا مش فاهمة ليه بيعمل في نفسه كدة ..

مريم يوووه يا منوون بقي بدل ما تقعدي تشتكي همك ليا ....تعالي معايا نروح نصحيه يلااا

مني ماشي يا ست مريم تجهزي انت اعقبال ما انا الي اصحيه .... اوعي بقي ....

وفعلا مريم بدأت تلبس هدومها وتجهز حاجتهااااا ...

_________________________&

في أوضة يوسف ...

يوسف نايم نوم عميق لانه راجع متأخر اوي ....

مني يوويووو اصحي بقي يا حبيبي كل ده نوم

يلا بابا وراك جامعة النهاردة علفكرة

يوسف بنوم لا مش هروح ..عايز انام ..

مني تنام اي وبتاع اي ..يلا يا حبيبي يلا يا يويو

يوسف وقع الغطاء من عليه ..يويو طب والله ما م**وفة يا حاجة وانت بتقوليلي يويو وانا بالحجم ده

مني بضحك لا يا لمض مش م**وفة لانك مهما كبرت يا يوسف هتفضل ابني حبيبي الي ماليش غيره ابدا ... ولا انت عندك مثلا اعتراض بقي

يوسف لا وليه ..انا هاخد شاور واروح اجهز علشان الجامعة .ولا انت اي رايك انام مثلاااا

مني لا وعلي اي البس احسن يلا بقي ...

يوسف بضحك وهو بياخد الفوطة طيب ..بأي ..

مني بضحك يلا ياض ....

مريم جات من وراها حضنتها اي قالك اي

مني وهي بتحضن مريم قالي أنه هيجهز ويروح وانت يلا مش جهزتي ..يلا روحي جامعتك

مريم هروح لريم بسرعة وجاية .اشوفها جهزت ولا لااااااء .....

وفعلا طلعت مريم أوضة ريم ......

مريم ..ري..... انت بستهبلي لسه مخلصتيش لحد دلوقتي . وبعدين اي ده .هو مين قطعلك هدومك كدة

ريم قطع اي يا جاهلة انت ...بلاش والنبي جهل مش ناقصاكي يا مريم ..دي موضة يا ماما .

طب بذمتك مش حلوووو

مريم هو حلووو بس مش عريان اوي يا ريم ..يا ريم احنا رايحين جامعة والله مش سهرةة

ريم ست مريم يا مواعظ خفي عليا شوية انا مش ناقصة ممكن

مريم اه يا اختي ممكن .. وممكن انت كمان تنجزي علشان اتاخرنا اوووي بجد

ريم حاضر. .حاضر ..يلا بينا

ثواني بس لسه بظبك الميكب ....

مريم افففف لا انا هستناكي في العربية .....

استني مين دووول بقي ...

دي مريم تبقي اخت يوسف. .. وتبقي جامعة تجارة أنجلش في سنة تانية ...بنوتة رقيقة اوي وفعلا كيوت مش بتتصنع اي حاجة في لبسها أو حتي شكلهاااا ......

اما دي ريم تبقي بنت خالتها وبنت عمها بس بنت مغرورة جدا جدا ..هي اه جميلة بس بتبقي م**مة تخلي نفسها شبه الارجووز ومعندهاش في هدف واحد وهي أن تتجوز يوسف ......

نرجع تاني .......

_________________________

في الجامعة.......

كريم صباح الخير يا حسن ....

حسن ساب الكتاب.... عايز يا عم كريم

كريم الله مش هتبطل بقي اسلوبك كدة يا عم اللذيذ

حسن والله وانت عايزني اتعامل معاك ازاي. انت زيك زي يوسف بالضبط

كريم انت ع**ط يا حسن ...انت بتقارني مغ يوسف ليه ..... وبعدين أنا مالي وماله .....

حسن والله ما انت الي لازق فيه حتي بعد الي عمله فيا يا كريم ...؟

كريم يووووه عمرك ما هتتغير يا حسن هتفضل زي ما انت غ*ي ....

حسن ماشي يا كريم ..انا بقي مش هرد عليك

اوعي من. وشي وفعلا حسن مشي وسابنه ودخل المحاضرة .....

_____________________________

في بيت محمد ....

ملك يا سارة انا جهزت اي خلصتي ....

سارة اه والله خلصت اهوووو ....

عمار بضحك يا كدابة دي عاشر مرة تقولي فيها خلصتي .....

الهام يلا بقي يا بنات علشان الحقول توصلوا في ميعادكم ...مش معقول تتأخروا علي الجامعة من اول يوم يعني .....

عمار بضحك أيوة وياريت محدش ينسي ساندوتشاته وانتوا رايحين الجامعة برضو ...هههه .

ملك يالهوي علي ثقل الدم ..هو فيه كدة برضو

عمار بضحك طب يلا انا نازل ...انا ورايا شغل

الهام بس ما فطرطش يا حبيبي

عمار لا تمام اوي . يلا باي يا بنات ....وفعلا

عمار نزل .......

نعرف برضوووو ...

عمار مين ..ده ظابط بحرية بس شاب بجد وسيم بمعني الكلمة ودمه خفيف اوي ..

سارة تبقي أخته بنوتة بس مش كيوت خالص

أما ملك دي تبقي بنت عم سارة وعايشة معاهم ...

ومع عمها محمد ومراته ........طب ليه ....هتعرف بعدين .....

______________________________&&

ندخل بقي ع الجامعة جامعة يوسف

يوسف: صباح الخير يا شباب

احمد بغل :اهلا بالي بيجي ع مزاجه ويمشي ع مزاجه .. ياض هو انت فاكرها جامعة ملك بابا ولا اي

يوسف بعصبية وقرب يض*به: وانت مال اه.. انت مالك بيا ياض انا براحتي اجي امشي انا حر

انت مش واصي علياااا... واظبط كدة هاا

احمد :خلاص خلاص بس اوعي انت هتتضرىبني

ولا اي .. اوعي انا كنت بهزر معاك يا اخي

كريم جيه وشد يوسف ة :بس بقي انت ايه علطوول خناق كفاية بقي يابني ..ارحم نفسك شوية مش كدة

يوسف :خليك في حالك يا بابا ..هو في ايه النهاردة يوم المواعظ العالمي ..

كريم :لابقي انت مش طبيعي بجد يا يوسف

يوسف: وانت مالك يا كريم مش انت قولتلي اني لو مرجعتش ذي الاول هتقطع علاقتك بيا علشان انا بقيت عدوة خلاص ..

كريم: أيوة بس انت صاحبي وانا مش عايزك تغرق صدقني صحابك دول هيغرقووك ..وصعب عليا اشوفك تغرق واسيبك كدة ...

يوسف :ايه ده هو انت متعرفش اني بعرف اعوووم

كريم: يوسف انا مش عايز اخسرك بس انت الي بتجبرني علي كدة ...انت مش شايف اسلوبك

يوسف :هههههههه بقالك سنتين بتقولي كدة عايز تبعد أبعد محدش ماسكك ولله يا يسطا

كريم :انا هسيبك يا يوسف بس اول ماتحتاجني هتلاقيني اول واحد جمبك ...

سلام

يوسف: هههه سلااااام يا كوكي هههههه

يوسف عارف ان كريم خايف عليه أنه فعلا بيحبه بس هو مش عايز حد يفوقه من الدوامة الي هو حاطط نفسه فيها وبارادته ..

__&&&________________&&&&&

يوسف : رامي

رامي :برنس اوامر يا يوسف

يوسف :عملت ايه في الي قلتلك ع ليه تماااام

رامي :تمااااام متخفش يا برنس سلمت الفلوس للواد ده وكله تمااااام صدقني ليرجعوا يبوسوا ايدك تاني

يوسف في نفسه :انا مش عايزه يبوس أيدي انا عايزه يبان ولا حاجة قدام العيلة كلها ولله لاوريك

ياتري مين ????

رامي :مش يلا بقي ندخل نشرب حاجة

يوسف: يلا

وفعلا دخلوا الكافيه

مصطفي: اهلا اهلا باعز الحبايب اهلا

يوسف: خفه اوي ياض مالك خفيف اوي ليه كدة

رامي: يوسف بص مين وراااك كدة ..

يوسف بص لقي حسن

حسن ده كان أكبر منافس ليوسف في الجمعة بس طبعا يوسف كان اشطر منه كااااااان بقي....هو شاب غني ورياضي اوي وكان بيحب بنت سابته وراحت ليوسف وبرغم أن البت دي مشيت من الجامعة كلها إلا أنه برضوا بيكره يوسف وكل يوم خنااااق معاه

حسن :اهلا بقولك ايه يا عم عادل (الفراش )انا عايز قهوة ما لازم الاول ع الدفعة يركز احسن كلهم يضيعوا يا عيني ...

يوسف :ههههه يا فرحة امك بيك يا اول

مصطفي: ولاموخدة كلنا نضيع ليه هو انت الي هتمتحن مكانا مثلا ههههه

رامي :وبعدين نضيع ما احنا اصلا ضايعين

????????

حسن :خفيف اوي ياض ...ده اي السماجة دي

رامي :يعني تقدر تشيلني

??????

يوسف... تصدق مش انت صاحبي ..بس كرهتك اي رايك بقي

نسيبنا من الناس الرخمة دي

_______________________________

في مكتب علي والد يوسف .....

علي نعم يا مني خير....

مني أنا برضو الي خير ...هو انت مش هتبطل بقي الي بتعمله في ابنك حرام عليك ..سيبوا في حاله بقي يا اخي ..الواد بيموت بالبطئ

علي انا برضو الي كنت السبب في كدة ..ابنك ده مش متربي ..وبعدين سبق وقولت انا مش عايز اسمع كلمة ابنك دي تاني ....وقفل السكة في وشها

تعالوا اعرفكم مين .دوول

+يوسف علي المنشاوي غني وفي كلية طب شااااطر جدا ومجتهد وكان الاول ع دراسته ٣ سنين متواليين برغم كده كان بيشتغل مع أبوه في التجارة وكان نااجح جدا لحد ما حصلت حاجة غيرت مجري حيااته

متعلق جدا بجده وجدته بطريقة ب*عة

+مني والده يوسف ومريم طيبة جدا وغلباانة عايشة هدفها تربي عيالها وبس مش اكتر من كدة

+علي أبوه يوسف ومريم بيحب مريم اكتر من يوسف لسبب هنعرفه باعدين وغني جدا ومغروور وع**د اوي

___&&&&&&&&&&&&&&&&&&&&&&&&&&--

سارة وملك راحوا الجامعة

ولد :اوعي القمر يا ناااس.... ده لساارة

سارة :مرديتش

ماجد: لابقي ده الجميل بيتقل علينا واحنا هنتجنن بقي ....ما ترد يا عم ..انت شكلك جديدة معانا

سارة :وبعدين بقي في الق*ف ده بص بقي ياض منك ليه انا بلعب كاراتيه وكلمة تانية هخليك ملقح في الأرض ساااامع ولا تحب تجرب

ملك: يابنت الفشاارة ده انت كدابة كدب يا سارة

سارة :اعمل ايه يعني ما هما الي قلات الادب

وبعدين الجيش قالك نتصرف ..اصبري ..

........................... ........................

وفي نفس الوقت مريم شافتهم من بعيد ...

مريم :ريم روحي لاخوكي خليه يلم نفسه بقي شوية

عيب كدة عمال يعا** في البنات ...هو فاكر نفسه فين يا بنتي

ريم :وانت مالك ماتسيبيه وهو بيعا**ك انت ولا عينيك هتطلع عليه بقي يا ست مريم

مريم: بلا ق*ف وبطلي بقي طريقتك دي بس كدة عيب ..يا ريم انا قولتلك احنا مافيش بينا حاجة ..

بطلي بقي كلامك ده

وفجاه ماجد مسك سارة من ايديها بس اتفاجا بيد بتمسكه من قفاااه يا ترا مييين الي عمل كدة مثلا

ماجد :ايه ده انت اتجننت ولا ايه اوعي نزل ايديك

انت ازاي تمسكني كدة اصلا ..

حسن: ولو منزلتهاش يا حيلة امك هتعمل ايه

بقي يا ماجد ....انا عايز اشوف اخرك اي مثلا

ماجد بعصبية : حيلي امي يا بن... يا .....

سارة بصدمة من شتايمهم:ايه قلة الأدب دي

اي كل الشتائم دي. .

ملك :بقولك ايه تعالي نجري يا سارة احسن دي هتبقي مجزرة هنا ...يلا بينا

حسن في خناقة : طب تعالي بقي وطبعا حسن بيض*به كأنه عروسة لعبة ومافيش مقاومة اصلا

وكان ببرميه بمنتهي العنف والغباء

ريم :الحقي يا مريم بصي حسن أتدخل في الموضوع ..بصي بيض*به ..يالهوووي

مريم :يالهووي قولتلك روحي قوليله عيب ادي حسن هيموته اهوووووو شوفي مين هيلحقه بقي

ريم :لا طبعا حسن مش هيعىف يوقفله روحي ... روحي ليوسف علشانه ميحصلوش حاجة والنبي يا مريم ..ه مهما كان ماجد برضوووو

مريم :وانا مالي وماله قلتلك بطلي الاسلوب ده انا وماجد اخواات وبس سامعة يا ريم

ريم: مش وقته الخناق بقي يا مريم

... يلا بسرعة بس نروح ليوسف وانت الي تقوليله علشان هيسمع كلامك انت طبعااااا

طبعا يوسف كان واقف في الكافيريا لكن اتفجووه بيه جيه وبيقرب ووقف جمب سارة وملك

ملك بصوت منخفض: مين المز ده ..الله شكله حلو اوي بجد ...

سارة :ولله انت حولة ده خسارة فيه مز ده مز المززز يابت وبصراحة قمر مش حلو بس ...يا خلاسي

يوسف طبعا واقف ساكت ولا مدي اي اهتماااام خالص ولاسامعهم اصلا وكمان بيضحك ع ماجد كأنه بيتف*ج ع ماتش كوميدي لفأر واسد أو بمعني اصح فرحان في ماجد اوي ....

كريم كان خارج من المحاضرة وشاف المنظر ده جري علي يوسف بخضة :يوسف انت هناااااا

يوسف: يانعم يا خالتي خير....في اي تاني بقي

كريم :خالتك ..خالتلك مين يلاااا

يوسف :خالتي اللتاتة متعرفهاش ده انا افتكرها من عيلتك والله يا كيكووو

كريم :مش وقتوا انت هتسيبه يض*بوا كدة

اكيد لا ..يلا الحقوووا بقي احسن حسن أيده طارشة يلا

يوسف بضحكة: وانا مالي يا لمبي وهو انا الي قلتله يلعب مع الي اكبر منه مش عيب هههههههه

ملك غصب عنها ضحكت ..يوسف باصلهاا

ملك ات**فت اوي وبصت في الأرض انما يوسف سرح في جمالها ولبسهاااا المحتشم ..

وصف ملك بقي...

ملك قصيرة وجسمها ملفووف اوي وعينيها واسعة لونها لون العسل صافي وبشرتها بيضاا ولبسها محتمش لكنه ملفت بجمالها وطلتها

كريم :يوسف يوسف انت روحت فين يا ابني انت

يوسف :ايه يابني انت فقدت الذاكرة ولا لسه حافظ اسمي جديد ..مالك يا كريم ..قولتلك ماليش دعوة بيه اناااااا

كريم :ولله حرام عليك هيموت في أيده انت عارف كويس أن حسن بيض*به علشان يرخم عليك .. حرام يبقي ماجد هو الضحية يا ابني

يوسف :يستاهل علشان قليل الادب و بصراحة بقي كدة انا مستمتع وفرحااااان اوي ..هااا عايز حاجة تاني يا عم كريم ..

تعالوا بقي نشوف حسن بيقول ايه لماجد وهو بيض*به ...

ماااجد بوجع :كخ يا سونة مش كدة مش هنتخاانق ع بنات عيييب ...يعني خدها يحبيبي خدهاااا

مش عايزهااااا...... روحي الله يخربيتك يا شيخة

حسن: ولله ماهسيبك يا ماجد لا انت ولا يوسف

يوسف :هههههههه انشف يا جودة ..قلبي معاك

يا حبيبي ...

ماجد وهو بيض*ب: يوسف حبيبي مش بتيجي ليه مش تبقي تيجي تزورني ....

يوسف هههههه

كريم :ههههه ولله يستاهل علشان خفة دمه دي

ريم وهي بتجري علي يوسف :يوسف انت هنا الحق ماجد بلييز حسن بيض*به

مريم: يالهووي ده هيموووت في ايديه

ياربي عليك يا ماجد ..يوسف بجد حاول تتدخل

يوسف :وانا مالي يا مريم بابا قالي بلاش مشاكل يا بني

يوسف بص لملك :ولا ايه

ملك اكتفت بابتسامة احراج

يوسف ببتسامة اعجاب : يا سلام ع التواضع يا عم ماشي

ريم غارت جدا وخاصا أنها شايفة نفسها ملفته عنها باللبس والمكياج وقالت له: علشان خاطري انا يا يويو ..وحياتي عندك انا الحق ماجد من حسن

كريم: هههههه يويو رد علي ريم

يوسف: خاطر مين يا ماما ...دي اختي ماستجرتش تقولهالي وبعدين ايه يويو دي ماتلمي نفسك شوية

ريم بصتله بغيظ: واضح انك خايف من حسن بقي يا يوسف أو يمكن خايف يض*بك مثلاااا

يوسف بضحك :يالهووي عرفتيها لوحدك ولا حد قالهالك يا عروسة المولد ...

ريم: بطل بقي اللقب ده لله ده انت رخم ...

يوسف وكريم :هههههه

حسن راح حادف ماجد قدام كريم ويوسف ع الأرض

يوسف : هههههههه شكلك مسخرة مش قادر يلا يا ميجو فاضل مرحلة والنبي يا اخي ماتموتش دلوقتي

ماجد: لوومكنتش تحلفني بس ....مرحلة ايه

يوسف :المرحلة الأخيرة يا حبيبي من لعبة يلا بقي

كريم :هههههه

ماجد: طب ماتيجي وحياه جدك يا اخي وتلحق البغل ده من عليا احسن هفطس

يوسف: ولله كان ع عيني يا ميجو ما انت عارفة عمك محرج عليا اض*ب حد ما انت عارف اني عنييف هههههه

ماجد لحسن : ااهاا ايه يا عم انت مابتزهقش طب مابتتعبش من كتر الض*ب

حسن :تعالالي يا جدع تعالي ...

كريم راح لحسن في ودنه: كفاية بقي يا حسن بلاش غل ...يوسف مش هيتاثر لماجد اصلا ..حرام عليك الواد

حسن خليك في حالك يا كريم ..انا اصلا مش طايق الي اسمه ماجد ده اساسا ...

يوسف : تعالي هنا يا كيمووووو....عاااش يا وحش يلااااا جوووووووون يلا يا حسن ..

كريم :ياأخي هو ماتش كورة ..انت بارد

سارة :نفسي افهم ايه السعادة دي ده هيموتوا ع فكرة ولا انت مش واخد بالك مثلا

يوسف بحدة : والنبي ماتقطعيش بس قولي يارب

سارة بدهشة اقول يارب ..

حسن :ما انت لو عندك حد في عيلتك يعرف يربيك مكنتش عملت كدة لكن لا عندك اب ولا عم ولا جد ولا حتي اخ يقولك عيب

ماجد :مجرد ماسمع لاب وهو اتجنن وفعلا ماجد بدأ يقاوم بعنف وض*ب حسن جامد لكن حسن برضووو اقوي منه

انما يوسف اضايق اوي علشان هو مش بيحب حد يجيب سيره جده او أهله ...

يوسف : مسك حسن من دماغه تجيب سيرته اهاااا لكن تجيب سيرتي أو سيرة عيلتي ولله ما هسيبك يابن..... ويا انا يا انت يا حسن ...

وبدأت خناقة ع أصولها بين حسن ويوسف انما ايه

سارة بخوف : يلا بسرعة يا ملك نمشي الموضوع قلب جد اوي

ملك: تفتكري ممكن حسن ده يض*به يا سارة

سارة :يلا بقولك نمشي من هنا

وفعلا الخناقة كبرت اوي زيااااادة عن اللزوم لكن الأمن لمووها لأن مكنش في إصابات كبيرة ولأن كل حجم عيلة كل واحد كفيله انها تقفل الموضوع

وفعلا اليوم كان تقيل أوي عليهم

وبعد ما خلصت الخناقة

يوسف :تعالي يا ماجد بيسنده

ماجد بوجع : انت دخلت انقذتني علشان جدك صح

يوسف :ههههه اومال علشانك ياض انا كنت عايز اديلوا فلوس علشان يخلصني منك ومن قذارتك

بس اعمل اي قلبي حنين ...

ماجد: حبيبي تسلم اه بس أيده تقيلة اوووي

يا يوسف بجد ...

يوسف :هههههه احسن والله فرحان فيك

ماجد.. حبيبي ربنا يديم الحب الي بينا والله ..

___________&&&&&&&&&&&&&_____________

في محاضرة لكلية تجارة أنجلش

ريم وسارة ومريم وملك كانوا مع بعض

مريم: يلا ياريم اقعدي اتاخرنا اصلا ...

ريم بعصبية : اهووووو اتزفت اقعدت

مريم :خلاص بقي بس انا قلتلك متحرجيش نفسك مع يوسف وانت م**مة برضو ت**في نفسك طب اعمل اي وبعدين اي يويو دي

ريم :ولله انت شايفة كدة يعني يا مريم ...

بس اكيد هستني اي منك مثلا ..اكيد هتطلعيني انا الي غلطانة مش هو اخوكي

مريم : اخس عليكي يا ريم ما هو لو اخويا انت اختي وحبيبتي وانت عارفة كدة كويس اوي صح ....و بعدين بصراحة انت فعلا اللي غلطانة ..... جدا يعني

__ وفاجاه ..

سارة: تعالي نقعد هناااا ..المكان هنا حلوووو

ريم: تقعدي فين يا ماما انت روحي اتلقحي في أي داهية تشيليك هنا لااااا

سارة: انت اتجننتي ولا ايه ماتتلمي يابت انت ولا فكرتني هخااف لا يا ماما فوووقي لنفسك ده انا أكلك صاحية ومنغير مااسمعي

ملك: بس يا سارة متنزليش نفسك للأشكال دي

ريم: الاشكااال مين يا ماما انت ماتعرفيش تحلمي انك تبقي ذيهم

ملك :ولا يشرفني يا حلوة يابت ده انت لو مشينا ع وشك معلقة هنطلع بولة ايس كريم ع رئي تامر اصلي بحبه اوي

سارة ومريم ههههه

ريم : انت بتتضحكي يا مريم معاهم عليا

مريم :خلاص ياريم ما انت الي بداتي اتفضوا اقعدوا

ريم :يقعدوا فين انت اتجننتي يا بنتي

مريم :باس بقي الدكتور دخل اقعدوا يلا

وفعلا دخل الدكتور وخلصت المحاضرة

سارة :يلا يا ملك احسن لوفضلت هض*بها يلا

ملك: يلاة يا سارة ...

ريم بعد ما مشيوا ييييع بجد اشكال بيئة ...

مريم افففف بجد منك يا مريم ...

__________________&_____&__&_____________

راحوا الكافيريا

ملك: لوسمحت عايزة ٢ كوفي

يوسف :خليهم ٣ يا مجدي لوسمحت

مجدي: حاضر يا برنس

ملك بصتله باستغراب .

يوسف : انا يوسف المنشاوي وانت

ملك: وانت مال حضرتك يا كابتن

يوسف :ههه اوبااا وانا الي افتكرتك كيووت بس طلعتي قط و بيخربش كمان ....

ملك : لا انت بس عايز نضارة علشان تعرف تشوف الناس كويس يا كابتن

يوسف : بقي كدة ... علفكرة لو عايز اعرف عنك كل حاجة هعمل كدة

ملك :ياريت تبقي ريحت نفسك وريحتني انا كمان

أصل بصراحة مش قادرة احكي ...

مجدي: اتفضلوا الكوفي ..

ريم :اوعي بقي من وشي احسن انا بتلكك أنهم يقعوا مني اصلا فخاف ع نفسك يا كابتن

يوسف : عسسل يا عسلي انت

ملك ??? رخم

يوسف: طب وحيااه بوكي

ملك :ميت يا لذيذ

يوسف :طب وحياه امك ده لون عينيكي الحقيقي

ملك ضحكت: هزت راسها بمعني اه

يوسف : حلاوتك انا قولت عسل محدش صدقني

سارة جات زي القطر :في حاجة يا كابتن معلش

يعني واقف معاها ليه

يوسف: لا بس بتعرف عليها يا بنتي

سارة :ولله مش عايزين لا نعرفكم ونتكلم معاكم اصلا فياريت تختصرونا انت واختك وقرايبك كلهم تماااااام يا كابتن

يوسف: حلاوتك في العصبية يا عم ..براحة شوية طيب احسن بقلق من الصوت العالي ...

سارة: ع**ط ده ولا ايه يلا يا ملك

ملك: ي.....

وفجاااااه

مريم دخلت بتعيط جامد وحضنتك يوسف

ياتري ايه الي حصل لمريم

________________________________

عند عمار. ....

ميادة يسلام يعني أنا لما اقولك تعالي قابل بابا يا عمار ابقي انا كدة بزن عليك ...

المفروض تبقي انت اصلا الي مستعجل علشان تقابل بابا يا عمار مش انا الي بطلب منك اصلا ....

عمار قلع النظارة بعصبية يوووه يا ميادة هو انت اي مشكلتك معايا ...انا ماقلتش اني مش عايز اقابل باباكي أو حتي اني مش بحبك....

ميادة لو سمحتي افهمي ..انا مش هينفع اروح لبابا دلوقتي أقوله انا عايز اتقدم لواحدة واحنا ظروفنا اصلا دلوقتي وحشة جدا .....

ميادة وانا بابا عايز يجيبلي عريس ...وانا عمالة أقوله لا لا ..لحد ما بدأ يشك فيا يا عمار مش كدة ..

زي ما انا براعي ظروف راعي انت كمان ظروفي من فضلك بقي.......

عمار يووووه ..انت كدة بتراعي ظروفي ..

ميادة لو سمحتي انا مش هقدر اتكلم دلوقتي

ميادة براحتك يا عمار ....واخدت شنطتها ومشيت ..

ومشي عمار وراح لواحد صاحبة اسمه شادي .

شادي مالك يا ابني ..انتوا اتخانقتوا ولا اي ....

عمار مش مراعيا ظروفي خالص يا شادي

ولا كاني قاصد كل الي احنا فيه ده ...حطاني في ضغط جامد وأبويا حاططني في ضغط برضوو

انا مخنوق اوي. ...

شادي الله في اي يا عم براحة علي نفسك يا عمار

مش كدة يا ابني عايزينك ..وبعدين هي لو بتحبك

يبقي تستحملك وتستحمل ظروفك ...ده المفروض

عمار خلاص يا شادي انا مش قادر اتكلم اصلا

شادي خلاص يا عمار براحتك ....

____________________________$$

مني يعني انتي شايفة أن يوسف بيحب ريم يعني يا سالي

سالي الله وهي ريم بنتي وحشة يا مني يعني

دي بنتي دي قمر والف واحد يتمنوا منها نظرة

مني الله مالك يا سالي ما انا عارفة أن ريم قمر وبعدين ريم دي بنتي بس كل الحكاية أن يوسف مش بيفكر في اي حاجة خالص لا دراسة وحتي جواز ولا بيفكرىحتي في مستقبله ..ما انت شايفة

سالي ما علشان كدة يا مني بقولك الواد كدة هيضيع منك لازم تربطيه بجوازة ...

مني وأنا بقي الي هجبر يوسف يتجوز مين اومال لو مكنتيش عائشة معانا وعارفة أن ولا مليون واحد يقدروا يقنعوا يوسف بحاجة هو مش عايزها ...

سالي اففف يا مني بقولك حاولي ..حاولي

مني حاضر يا سالي ..

مصطفي المنشاوي اي بتتكلموا في أي كدة ...

سالي بنتكلم أن لو يوسف وريم يتجوزوا مثلا ...

مصطفي الله انت اي حياتك يا سالي ..شوية عايزة تجوزي ماجد لمريم و دلوقتي عايزة ريم ليوسف

سالي الله ماجد معجب لمريم يا عمي وحضرتك عارف كدة كويس

مصطفي بضحك والله يعني ماجد بيحب مريم والله ابنك ده بتاع حوارات ده حتي مش بيقعد معاها خمس دقائق علي بعض. ..قال بيحبها قال

سالي لا بيحبها بس ماجد بيت**ف اوي ومش بيعرف يعبر ....

مني خلاص بقي يا سالي ..سيبي يا حبيبتي ربنا هو الي يرتب كل حاجة ..مش احنا

مصطفي عندك حق يا مني ....

وفجاه باب الفيلا خبط .....ودخلت بنت عسولة جدا

مني بصدمة ليلي ...ازيك وحشتيني اوي يا حبيبتي

عاملة اي

ليلي انا كويسة يا طنط الحمدلله

ازيكوا انتوا ...وحشتوني اوي

مني احنا الحمدلله اومال فين ماما وبابا ماجوش معاكي ليه ....

ليلي لا انا سبت امريكا وجيت هنا لوحدي يا طنط ..

مصطفي ليه يا ليلي يا بنتي ...

ليلي بابا وماما أطلقوا يا جدوو

مصطفي بصدمة اي ...طب تعالي معايا يا ليلي ....

استووووب