احببت مصارع

خبر قتل شمس

هدية من اسكندرية

البارت 8

ضابط :هاااه يا آنسة ملك اتكلمي .ما تخافيش منه هو مش هيقدر يعمل لك حاجه ولو كان فعلا هو اللي عمل كده في احمد وخالد فهو هيتحبس وهياخذ جزائه

ملك بتوتر: أيوة يا فندم هو الي ض*بهم كدة ...

ضابط :والولاده الي كانوا معاه زي كريم وحسن

برده كانوا بيض*بوا معي ولا هو بس اللي كان متصدر

يوسف: قولت لحضرتك اني كنت لوحدي وهما مالهومش اي علاقة بالموضوع حضرتك مش عايز تصدقني ليه انا ذات نفسي معترف

ضابط :اخرس انت خالص انا ما قلتلكش نتكلم لما اقول لك تتكلم تبقى تتكلم غير كده تخرص

ملك: أيوة فعلا يا فندم هو كان لوحده بيض*بهم وهما مدخلوش خالص لا كريم ليه علاقة ولا حسن دي حقيقة ...

ضابط: يسلاااام وكمان بتض*بهم لوحدك ..عاملي بلطجي حضرتك مش عيب تبقي دكتور وبلطجي..... يا ابني ده انا لما قريت ملفك لقيتك جايب في ثانوية ٩٩.٨ وكنت الاول ع دفعتك ٣ سنين ايه الي غيرك كدة وبدل حالك ....معقول من تاني علي الجمهورية في ثانوية عامة لبلطجي واقف قدامي ...

يوسف .؟.

ملك: ??.تاني جمهورية ...معقوول

ضابط: شكلك ايه عرفت شلة و.. ولا ايه.. بتتعاطي حاجة....اي حصلك؛انت زي اهلك سايبينك كده فين ابوك فين امك فين عيلتك ازاي يسيبوك لحد ما توصل للمرحله دي ..انت اي حكايتك

يوسف :أظن أن دي اسباب تخصني فياريت حضرتك تسيبك من حياتي الشخصية وتركز في القضية وانا ابويا وامي عايشين وشكرا جدا للنصيحه

الضابط: يابني ده انت كنت مرشح تبقي معيد ليه بتعمل في نفسك كدة ما تقاوحش في الغلط لازم تعرف أن الي انت فيه ده آخره حيطه سد ..افهم بقي.....

يوسف :....

ضابط: ماشي مااشي براحتك ما تردش علي مطنشني زي ما انت عايز ...انا بقي عايز اعرف ايه سبب الي خلاك تض*به كدة

يوسف: شتمني عادي بتحصل يعني قله ادبه فض*بته فيها حاجة دي ...

ضابط :علشان شتمك تقوم تعمله ارتجاج يا بني آدم انت ..اكيد الموضوع مش بالسلاسل دي ..انت مش غ*ي كدة علشان اقول مش عارف حجم الي عملته

يوسف ؛ هو الي لعب مع الي مش قده والله حظرته كثير حظرته كثير قوي يا باشا بلاش انا يا احمد هو بقى ما فهمش كان لازم ياخذ فوق دماغه قدام الناس كلها عشان يعرف مين يوسف وعشان يعرف هو بيلعب مع مين كويس قوي

ضابط : وانا بقى برده هاعرفك مين هو يوسف وهاعرفك برده ما تمدش يدك على احد ثاني..بس مش دلوقتي .....عسكري خدهم برا لحد ما المحامي للمتهم والمجني عليه يجي

يوسف: خرج هو وملك براااا

مريم بخوف : يوسف حبيبي عملوا فيك ايه

قولتلهم انت ايه يا يوسف والنبي طمني

يوسف: اهدي بس هههههههه هيكلوا مني حتة يعني ولله انا قلتلهم اسعاري بس هما قالولي هنيجي في الأوفر بقي هنعمل اي ...

مريم :هههه حرام عليك حتي وانت كدة بتهزر

يوسف :هو انا مشلول ما انا قرد اهوووو قدامك ما تهدي كدة يا مريم اجمدي ده انت اخت يوسف يعني

كريم: يا واد يا جامد انت ...والله يا يوسف انت مثلي الاعلي في الحياه ....

حسن بضحك : بس ياض يا متخلف انت ....ماتخفش يا يوسف ..خير انشاء لله هتعدي زي ما حاجات كتير اوي عدت يا صاحبي وانت قدها وقدوود

ملك واقفة مصدومة من الي سمعته جوااه

معقول ده يوسف الي كنت مفكره صايع وفاشل

معقول تاني علي ثانوي معقوول طب اي الي عمل فيه كدة ...اي غيره كدة ..

عمار : مالك يا حبيبتي حد ضايقك ولا ايه..ولا تعبانة

ملك: هاااا لا ابدا يا عمار انا كويسة ...

يوسف سمع كلمة حبيبتي دي وشه ظهر عليه الغضب في ثانية وكان نفسه يمسكه يقتله بس تماسك

مني شدت ايد يوسف :فهمني بس يا بني ليه عملت كدة في احمد مش ده كان صاحبك ..ازاي يا يوسف يجيلك قلب تض*ب حد بالعنف ده ..انا ببيتك علي كدة ....

يوسف ماما ارجوكي حضرتك مش عارفة اي حاجة ...

مني طب ما تفهمني يا يوسف انا محتاجة افهم انت عملت كدة ليه ...وازاي يا ابني ....

يوسف بوجع ياريتني كنت اقدر احكي بس صدقيني مش هقدر بس متخفيش ابنك راجل وهيقدر يعدي الأزمة الي هو فيها ولا اي يا ام يوسف ..اي

مني حضنت يوسف ..أنا واثقة فيك اوي يا ابني .وبحبك اوي وخايفة عليك من شيطانك يا ابني .....

كريم ا: يوسف لحق بص مين جاي ياض

يوسف بفرحة : جدي ..حبيبي

مصطفي المنشاوي: يوسف ايه انت خايف ولا ايه

اوعي اقلب عليك علطووول ...

يوسف :ههه اه اوي حتي بص من الفرحة هقع من طولي ...اخاف اي بس يا جدي ياما دقت علي الراس طبول متخافش علياااا...

مصطفي: هه مش عايزك تخاف يا بني انا في ضهرك

وجامبك علطووول ومش هسيبك هنا انت هتخرج يعني هتخرج.....

يوسف خير يا جدي ...الي ربنا عايزه ..

ماجد :متخافش يا جدي كله هيبقي تماام

مصطفي المنشاوي: عمري ما اخاف وانتوا مع بعض يا حبيبي ..ده وجودكوا جمب بعض هو الي بيديني الامل والله .....

وحشتني يا حسن

حسن :حضرتك اكتر ولله يا جدو...واحشني اوي

مصطفي تعالي عايز احضنك....

وفعلا مصطفي حضن حسن ......

مصطفي: ما تقلقوش شدة وتزول .

.يوسف ابوك جاي هو والمحامي وهيظبط كل حاجة .

يوسف :ههه رضي يجي طب ازاي ..عملت اي يا جدي علشان تقنعة أنه يجي يلحقني مثلا

مصطفي: ماتخفش هينفخك بس لماتخرج منها

مريم: يعني بابا هيتصرف ازاي يا جدي.. انا خايفة عليه اوي علي يوسف ...هو ممكن يتحبس

يوسف :مابس بقي استني انت.... جدي هو عرف حاجة عن الصفقة

مصطفي: لا الحمدلله هو شاكك بس فيك يا حبيبي

يوسف: الحمدلله ايه شاكك دي هتحلوووو ههههه

ابنك ممكن ينسي اني ابنه وممكن يبعتلي ناس بلطجية يموتوني ...

مني بحدة يوسف عيب ماتقولش كدة عن ابوك

يوسف بتريقة ابويااااا...الكلمة دي مسمعتهاش بقالي كتير اووي .....

سارة كانت سامعة كل الحوار ...هي وملك وعمار ومحمد....

عمار في ودن ملك ...الواد ده معقد يا بت يا ملك

ملك تقريبا كدة .....عمار انت مش عارف الي حصل جواااااه ...

عمار اي دايقك جوا ولا اي ...

ملك لا مافيش حوار بينا حصل جوا اصلا بس هوووو.....

وفجاه جيه احمد ومصطفي وأبوه وعلي والمحامي وجاسر

ملك بص هما دول الولدين الي يوسف ض*بهم ..

جاسر: ايه يا يوسف مش تعقل بقي يابني بطل لعب عيال مش معقول هنجري وراك انا والباشا ونطلعك من الاقسام استرجل بقي انت ما بقتش صغير

مصطفي المنشاوي : يوسف حفيدي راجل وبعدين فووق يابني وشوف انت بتكلم مين واوعي تنسي انك تعتبر شغال عنده هو وابووه ..مافيش واحد بيكلم مديره كدة .....

جاسر: يا مصطفي باشا ولله ماقصد حاجة يوسف اخويا الصغير وخايف عليه وبعدين انا شغال عند علي باشا مش يوسف ده قبل ما يوسف يطرد او يعني يمشي من الشركه

علي:استني انت يا جاسر .. ايه يا بابا انت بتدافع عنه حتي في الغلط .. ايه يا بابا هتقف معه لحد فين مره دي جابنا الاسم عشان ض*ب اثنين وفتح دماغه واحد والثاني مبهدله هتوصل به لحد فين ثاني وحضرتك لسه برده واقف في صفه....

مصطفي: مستغرب قوي ان انا اوي لاني واقف مع يوسف وجنبه طب على الاقل يبقى في واحد فينا في صفه ده انت كذبت ابنك وصدقت الغريب طيب ا

كريم :خلاص يا جماعة مش وقتوا احنا في القسم والناس بتتف*ج علينا لما نمشي يبقى يتخانقوا براحتكم.

جاسر :عندك حق يا كيمو لازم نشوف هنخرج يوسف من المشكلة دي ازاي الاول يا علي باشا كده كده في حاجات كثير جدا اتغيرت وبانت على حقيقتها كانت متداريه

يوسف: ياريت يا اونك جاسر احسن انا خايف من الحجز مووت والضلمةاوي يا ماااامي وبالمره كمان عشان نخرج ونشوف الحاجات المتداريه ندور عليها مع بعض ....

ملك وسارة وعلي ضحكوا جامد علي كلام يوسف وطريقته

محمد بستغراب :ايه الواد ده بجد مش طبيعي

عمار بضحك ولد مصيبه والله

كريم: انت ولله عسسسسسل اي يا عم مش وقتوا تحفيل عليه ...

مصطفي المنشاوي: ماتخافش يا يوسف اونكل جاسر هيحلها ... وانت يا جاسر لاخر مره باقول لك لما اكون انا وابني او انا وحفيدي بنتكلم اوعى تتدخل في الموضوع واوعى تدي نفسك حجم كبير عليك انت مجرد موظف عندي في الشركه وركز في الكلمه دي عندي انا في الشركه

يا ترا جاسر رد قال اي