JUSTIN
Hindi ako pumalya hanggang sa mga huling araw ng lamayan para kay Opet. Galing klase uuwi muna ako at kina Rupert tutuloy sa magdamagang pagtulong.
Ako ang naging guide ng mga kaklase ko papunta sa kanila. Taga sundo o tagahatid sa kanto dahil bawal ang kaanak na gumawa nito pagnamatayan.
Naalala ko tuloy yung pelikulang 'Dead na si Lolo'.
Nagpunta rin ang mga magulang ko kasama ang lola na dumalaw.
Nanghihinayang din sila sa maagang pagkawala ng isa sa matalik kong kaibigan.
Maging si Santi at Michelle Joy ay hindi nakalimot na pumunta.Kumpleto kaming barkada ni Opet na narito sa huling gabi niya.
Boluntaryo akong katuwang ni kuya Obet sa mga gawain at pagsisilbi sa mga bisita. At sa mga gabi ng lamay ay dito na ako nakikitulog. Sa huling sandali ay nais ko pang samahan si O
