MAGHAPONG NAGING ABALA si Mikaela Tricia sa trabaho kaya naman nagulat siya nang bigla na lang sumulpot si Sunshine sa harap ng lamesa niya.
"Wala ka pa bang balak umuwi?"
Nag-inat muna siya bago sumagot, "Dito na ako matutulog. See you tomorrow."
"Ay gano'n ba? Papaalisin ko na ba ang sundo mo sa labas?"
Nagsalubong ang mga kilay niya. "Sinong sundo?"
Mahina siyang hinampas nito sa balikat. "Asawa mo."
"Ha? Aswang?" nakatawang biro niya.
"Ay, gaga! Your husband is waiting for you outside."
Dumating na si Daniel Niccolo? Hindi man lang tumawag sa kanya. Tiningnan niya ang cellphone kung may missed call ba siya pero wala.
"Umi-english ka na ngayon ah," patuloy siya sa pang-aasar sa kaibigan.
"Lumalabas ang galing ko sa english dahil sa iyo, eh! Ang layo ng asawa sa aswang. B
