TAHIMIK na kumakain si Audrey sa cafeteria kasama si Mia nang may lumapit sa kaniya. Sumama agad ang mukha ni Mia nang makita niya ang nakakatandang kapatid ni Audrey. Ayaw niya talaga rito kahit anong mangyari.
“Mukhang maayos ka nitong mga nakaraang araw, Audrey,” ani Freya. Kasama nito ang dalawang alipores nito.
Hindi pinansin ni Audrey si Freya at nagpatuloy lamang siya sa pagkain.
Umismid si Freya. “So, hindi ka na mamansin dahil may asawa ka? Audrey, rich men will always find other women even if they are married. Do you think your husband was a good man? Sa tingin ko hindi lang ikaw ang babae sa buhay niya—” napatigil si Freya sa pagsasalita nang bigla siyang sinabuyan ni Audrey ng malamig na tubig.
“Magpasalamat ka at malamig ang isinaboy ko sa mukha mo.” Kalmadong saad ni A
