KINABUKASAN AY NAGPAALAM muna si Pierre para kumuha ng damit sa kanilang bahay, hindi pa din nila alam ang sasabihin nila sa kanyang Tatay Abel pag-uwi niya dahil siguradong magtataka ito sa mga benda niya sa braso at binti.
“Pierre, ang bilis mo naman” sabi niya nang bumukas ang pinto ng kanyang silid pero abala siya sa kanyang selpon kaya hindi na niya ito binalingan ng tingin.
“Sam” mahinang sambit ng lalaki.
Natigil siya sa pagseselpon nang marinig ang isang pamilyar na boses na agad niyang nilingon.
“A…alex?” nauutal na sabi niya.
“Sam, don’t make me worry” sabi nito na pinagtataka niya pero kitang kita ang pag-aalala sa mga mata nito.
Hindi niya alam kung bakit bigla siyang naguguluhan sa pag-aalalang pinapakita nito sa kanya samantalang kahapon ay parang hindi nito maiwan
